Քիչ առաջ vesti.ru-ն հաղորդում է տարածել այն մասին, որ Լիբիայում առևանգել են իտալացի 4 լրագրողների: Մանրամասները ճշտվում են:
Այսօր Լիբիայի Ազգային անցումային խորհրդի ղեկավար Մուստաֆա Աբդ ալ-Ազիզը հայտարարել է, որ Լիբիայի նոր ղեկավարության ընտրությունները կկայանան մոտական 8 ամիսների ընթացքում: Այս մասին հայտնում է France Press գործակալությունը:
Աբդ ալ-Ազիզը հայտարարել է. «Մոտակա 8 ամիսների ընթացքում կկայանան նախագահական և պառլամենտական ընտրություններ.մենք ցանկանում ենք ունենալ ժողովրդավարական կառավարություն և արդար սահմանադրություն: Մենք չենք ցանկանում աշխարհից կտրված լինել, ինչպես վերջին տասնամյակներին»: Ազգային անցումային խորհրդի ղեկավարն ասել է, որ խորհրդի անդամների մեծ մասը ցանկանում են կազմակերպել Քադաֆիի և նրա կողմնակիցների դատավարությունը: «Մենք չենք վարվելու նրա հետ այնպես, ինչպես ինքն էր վարվում իր հակառակորդների հետ: Քադաֆին պատմության մեջ կմնա այն սպանություններով ու բռնություններով, որ իրականացրել է Լիբիայում»:
Միաժամանակ տեղեկություն է ստացվել այն մասին, որ Քադաֆիի դուստրը կոչ է արել ուս-ուսի կռվել NATO-ի դեմ: Ինչպես հաղորդում է Reuters-ը, Ալ-Ուրուբա հեռուստաընկերությանն այս մասին ասել է մի կին, ով ներկայացել է, որպես Մուամմար Քադաֆիի դուստր: Նա մասնավորապես ասել է. “Կոչ եմ անում Լիբիայի ժողովրդին պայքարել մեր ղեկավարի համար ընդդեմ NATO-ի”:
