Գիտությունը հազվադեպ է հանրամատչելի, բայց երբեք՝ ոչ անհրաժեշտ: Այսօր հաղթում են գիտելիքահեն տնտեսությունները. տեխնոլոգիաներ, նորարարություն, առաջընթաց: Ապագան մտածողինն է. լինի դա անհատ, համայնք, թե մի ամբողջ պետություն: Ֆիլիպ Մորրիսի Backstage-ում այսօր կոտրում ենք գիտնականների մասին կարծրատիպերը՝ պատմելով Հայաստանում Ֆիլիպ Մորրիսի կողմից 2018 թվականին հիմնած PMI Science գիտահետազոտական կենտրոնի մասին: Տեսնենք՝ ինչով է կենտրոնը գրավում երիտասարդ ու խոստումնալից գիտնականներին ու հետազոտողներին:
Թորոսյան Միքայելը պատմում է, որ 2021 թվականին իր համակուրսեցիներից իմացավ Ֆիլիպ Մորրիսի ամենամյա պրակտիկայի ծրագրի մասին: Առաջին փուլին դիմելիս մեծ հույսեր չուներ. մտածում էր, որ մասնագիտական փորձի պակասը (ինչպես դա սովորաբար լինում է) կարող է բացասաբար ազդել ընտրության վրա: Բարեբախտաբար, բոլոր 5 փուլերը անցնելուց հետո հայտնվեց մոտ 1000 դիմորդներից ընտրված 14 պրակտիկանտների շարքում: Իր վեցամսյա պրակտիկան Միքայելը անցավ PMI Science գիտահետազոտական կենտրոնում, որտեղ համագործակցում էր աշխարհի տարբեր ծայրերում ապրող իր գիտնական գործընկերների հետ: “Ծրագրի 6 ամիսների ընթացքում ստացա թե՛ մասնագիտական հմտություններ, թե՛ պրոֆեսիոնալ թիմի հետ աշխատելու փորձ: Դրանից հետո ստացա աշխատանքի առաջարկ՝ որպես լաբորատորիայի ավագ մասնագետ”: Միքայելի աշխատանքային պարտականությունների մեջ է մտնում լաբորատորիաներում տեղակայված ու տարածաշրջանում քիչ հանդիպող սարքավորումների շահագործումն ու գիտափորձերի կատարումը: Տեսական գիտելիքներն իրական կյանքում կիրառելու տեսանկյունից գիտնականի համար սա եզակի հնարավորություն է:
PMI Science գիտահետազոտական կենտրոնի մեկ այլ աշխատակից՝ Կասյա Բոյաջյանը, բոլորովին վերջերս է միացել Ֆիլիպ Մորրիսի թիմին: Շատ լիբանանահայերի նման՝ Կասյան էլ է որոշում կայացրել վերադառնալ Հայաստան: Ուրախ է, որ աշխատանքի է անցել նորաստեղծ գիտահետազոտական կենտրոնում: Կասյան մասնագիտանում է նյութաբանության ոլորտում. կենտրոնում աշխատում է որպես ավագ գիտաշխատող: Պատմում է՝ իր աշխատանքը կենտրոնացած է քիմիական ռեակցիաներն արագացնող կատալիտիկ նյութերի վերլուծության վրա: “Ինձ համար շատ հետաքրքիր է իմ գիտական աշխատանքի բնույթը: Տարիներ առաջ Ֆիլիպ Մորրիսը որոշել է վերափոխել բիզնեսը: Կենտրոնում բոլորս մեկ թիմի նման ենք աշխատում: Մեր նպատակն է մեր երկիրը ըստ արժանավույն ներկայացնել Ֆիլիպ Մորրիսի գիտահետազոտական քարտեզի վրա: Վստահ ենք, որ կենտրոնի գործունեությունը Հայաստանում էլ կնպաստի գիտության ու նորարարության զարգացմանը”:
