Friday, 21 06 2024
Ինչ-որ նյութ են փչել հարսի աչքին ու հափշտակել վզնոցը
Թիրախավորել են միայնակ տարեց և ժառանգ չունեցող անձանց բնակարանները, հափշտակել են դրանք
«Էս էլ բանալիները». Գալստանյանը իր մեքենան նվիրեց Շահրամանյանին
Կայացել է «Աջակցություն Հայաստանում Մարդու իրավունքների եվրոպական դատարանի վճիռների արդյունավետ կատարմանը» ծրագրի համակարգող խորհրդի նիստը
Որոշում Իսրայելի՞ դեմ. ինչու Հայաստանը ճանաչեց Պաղեստինի պետությունը
Գյումրիի «Անի» թաղամասի բակերն ազատվում են ապօրինի ավտոտնակներից
Բելառուսի ԱԳՆ-ն բողոքի նոտա է փոխանցել ՀՀ-ին
ՔՊ-ն ամփոփել է կուսակցության 4-րդ քաղաքական ժողովի նախապատրաստական աշխատանքները
ԵՄ-ում ՀՀ ներկայացուցչության ղեկավարը ԵՀ նախագահ ֆոն դեր Լայենին է փոխանցել ՀՀ վարչապետ Փաշինյանի ուղերձը
Արցախի նախագահին սպասարկող մեքենան առգրավվեց քրեական վարույթի շրջանակում
Քաջարանի քաղաքապետը ապօրինի ծագում ունեցող գույքի գործով հրավիրվել է գլխավոր դատախազություն
Կալոշ և դրոշ. Խորհրդարանում լսումներ էին հանրաքվեի հարցով
Այսօր լայնածավալ պատերազմը կանգնեցնում է ԱՄՆ-ն. Պուտինին դա խիստ անհրաժեշտ է
Բլինքենը հասկացրել է Ալիևին՝ գնդակը քո դաշտում է. եթե դրական քայլ չեղավ, խնդիր ես ունենալու
Կեղտոտ խաղեր են խաղաղության պայմանագրի շուրջ
ՀԱՊԿ-ը բոյկոտող Հայաստանը անտեսում է նաև ԱՊՀ նիստը
Դատարանը ապօրինի ծագում ունեցող գույքի բռնագանձման գործով կայացրել է առաջին վճիռը
Պաղեստինի ճանաչման և Ադրբեջանի հետ անհապաղ խաղաղություն կնքելու կապը
Ես մտավախություն ունեմ, որ հանրաքվեի գաղափարը ՔՊ-ի կողմից սառեցվելու է..ժամանակ չունենք
Հայաստանի կարեւոր որոշումը՝ մի կողմից Անկարայի, մյուս կողմից Փարիզի հետ շփումներից հետո
Այլևս հետաքրքիր չեն «լավրովանմանները». նրանց պատասխանը ԱԺ ամբիոնին դրված դրոշն ու կալոշն է
20:40
Հայէկոնոմբանկն ամփոփել է 2023 թվականը հիմնական ցուցանիշների աճով և ձեռքբերումներով
Գորիս համայնքի ղեկավարն ընդունել է Ֆրանսիայի արտակարգ և լիազոր դեսպանին
20:10
Armenian Auto Show. Ամերիաբանկը մասնակցում է միջազգային ավտոցուցահանդեսին
Live. «Առաջին լրատվական» տեղեկատվական-վերլուծական կենտրոն
20:00
Live. «Առաջին լրատվական» տեղեկատվական-վերլուծական կենտրոն
Հայաստանը հետաքրքրված է իսրայելա-հնդկական նորագույն MR-SAM ՀՕՊ համակարգով
ՃՏՊ Սպիտակ-Երևան ավտոճանապարհին. կա մեկ զոհ և երկու տուժած
Մեկ ամիս գիշերային ժամերին փակ կլինի Երևանի Արմենակյան փողոցի մի հատվածը
ՀՀ և Հունաստանի ԱԳ նախարարները քննարկել են երկկողմ օրակարգի, ԵՄ հետ գործընկերության խորացման և տարածաշրջանային հարցեր

ԱՄՆ դեսպանի անսպասելի քայլը Պուտին-Փաշինյան հանդիպումից հետո

Հայաստանում ԱՄՆ դեսպան Լին Թրեյսին ապրիլի 20-ին այցելել է Ամուլսարի ոսկու հանքավայր, որտեղ առ այսօր սառեցված է Լիդիան ընկերության ներդրումային ծրագիրը: Սառեցումը տեղի ունեցավ 2018  թվակկանի թավշյա հեղափոխությունից հետո, երբ իշխանության փոփոխությունից հետո բնապահպանների, քաղաքացիների խմբեր և որոշ քաղաքական ուժեր արգելափակեցին հանքավայրի շահագործման ուղղությամբ Լիդիան ընկերության աշխատանքը: Նոր կառավարությունը սկսեց նոր փորձաքննությունների գործընթաց, տեղի ունեցան այլ դատական գործընթացներ, իրավիճակը առ այսօր շարունակում է լինել դե ֆակտո կանգառի վիճակում:

Հայաստանում ԱՄՆ դեսպանները մշտապես արտահայտվել են Ամուլսարի ներդրումային ծրագրով, այդ թվում նաև հեղափոխությունից առաջ: Այդ ծրագրով հետաքրքրվել են, ներդրումային ծրագրի հեռանկարի կարևորության մասին արտահայտվել են դեռևս դեսպան Ջոն Հեֆֆերնը, նաև դեսպան Ռիչարդ Միլզը, հետո նաև Լին Թրեյսին: Խոսել են նաև ամերիկացի այլ դիվանագետներ: Սակայն վերջին մեկուկես-երկու տարիների ընթացքում այդ մասին խոսակցություններ կարծես թե չեն եղել: Ինչո՞վ էր դա պայմանավորված, բարդ է ասել, այդ ընթացքում եղավ կորոնավիրուսի համաճարակն իր լոկդաունով, հետո 44-օրյա պատերազմը: Եվ ահա այժմ, ԱՄՆ դեսպանը վերստին դրսևորում է հետաքրքրություն Լիդիանի ներդրումային ծրագրի վերաբերյալ, ապրիլի 20-ին այցելում Ամուլսար և խոսում ծրագրի կարևորության մասին, ինչպես հայտնում է ԱՄՆ դեսպանատան հաղորդագրությունը: Ըստ դրա, «դեսպանը քաջալերեց ծրագրի հետ կապված չկարգավորված վեճերի արագ ու թափանցիկ լուծումը։ Նա ողջունեց աշխատանքի և բնապահպանական հարցերում ամենաբարձր միջազգային ստանդարտներն ապահովելու «Լիդիանի» հանձնառությունը և նկատեց, որ այս ծրագիրը Հայաստանի տնտեսության աճի նշանակալի խթան դառնալու ներուժ ունի»:

Կա մի հանգամանք, որ ԱՄՆ դեսպանի այցը Ամուլսար դարձնում է բավականին ուշագրավ: Դա այն է, որ այցը տեղի է ունենում Հայաստանի վարչապետ Նիկոլ Փաշինյանի մոսկովյան պաշտոնական այցի և ՌԴ նախագահ Պուտինի հետ համատեղ հայտարարության հրապարակման ֆոնին, ըստ էության դրա հաջորդ օրն իսկ: Իսկ համատեղ հայտարարության մեջ կա հետաքրքիր դիտարկում տնտեսական բլոկի վերաբերյալ: Մասնավորապես՝ «կողմերը ողջունեցին ռուսաստանյան տնտեսական օպերատորների՝ Հայաստանում ամբողջական և ժամանակակից արտադրական ցիկլի ստեղծման մտադրությունը… Որոշվեց հետայսու ևս նպաստել դեպի Հայաստան ռուսաստանյան ներդրումների հոսքին: Ընդգծվեց, որ Ռուսաստանից տնտեսական օպերատորները Հայաստանի Հանրապետության հիմնական հարկատուների թվում են, ապահովում են աշխատատեղերի զգալի քանակի ստեղծումը և ընդլայնում կադրերի պրոֆեսիոնալ պատրաստման հնարավորությունները»: Այդ տողերում իհարկե չկա որևէ խոսք հանքարդյունաբերության, առավել ևս Ամուլսարի մասին: Սակայն, կա որոշակի իրականություն, որը բավականին «ներդաշնակ» ասոցացվում է այդ տողերին: Այդ իրականության մեջ է «Գեոպրոմայնինգ» ընկերությունը, որը դարձել է Հայաստանում հանքարդյունաբերության խոշորագույն ընկերության՝ Զանգեզուրի կոմբինատի նոր սեփականատեր, ընդ որում ընկերության բաժնեմասի 15 տոկոսն էլ նվիրաբերելով պետությանը՝ Հայաստանի հանրապետությանը:

Գեոպրոմայնինգը նաև Սոտքի ոսկու հանքավայրի, Արարատի ոսկու հարստացուցիչ կոմբինատի սեփականատեր ընկերությունն է, որն էլ արտահայտել է Հայաստանում հանքարդյունաբերական արտադրական ցիկլեր ստեղծելու մտադրության մասին: Ամիսներ առաջ եղավ տեղեկություն, որ փաստացի կանգնած Ամուլսարի հանքավայրի սեփականատեր Լիդիան ընկերությունը վաճառում է հանքավայրը հենց Գեոպրոմայնինգին: Լիդիանն իհարկե հերքեց տեղեկությունը, սակայն ծուխն ինչպես ասում են չի լինում առանց կրակ: Այդ թվում գուցե և այն «ծուխը», որ ըստ տարբեր խոսակցությունների մակարդակի շրջանառվում էր Ամուլսարի հարցում Լիդիանի դեմ հետհեղափոխական արգելափակումների վերաբերյալ, որ դրանց հետևում ռուսական շահեր են՝ ոսկու այդ հանքավայրը արևմտյան ներդրումային ծրագրի չթողնելու համար: Ավելին, իրավիճակը ունի ուշադրության արժանի մեկ այլ հանգամանք: 44-օրյա պատերազմից և ռեգիոնալ ստատուս-քվոյի փոփոխությունից հետո «Գեոպրոմայնինգը» փաստորեն զրկվել է Սոտքի հանքավայրը ամբողջությամբ շահագործելու հնարավորությունից, ինչը կարող է լինել Ամուլսարի խոշոր հանքավայրի հանդեպ հետաքրքրության լրացուցիչ խթան: Այդ ամենի ֆոնին, բավականին ուշագրավ է, որ հայ-ռուսական համատեղ հայտարարության հաջորդ օրը Հայաստանում ԱՄՆ դեսպանը լինում է Ամուլսարում և փաստացի աջակցություն հայտնում Լիդիանի ներդրումային ծրագրին, որն առ այսօր Հայաստանի համար խոշորագույն արևմտյան ներդրումային ծրագիրն է: Կհաջողի՞ ԱՄՆ դեսպանը այդ ծրագրի պաշտպանության իր ջանքում: Պետք է նկատել թերևս, որ իրավիճակը մարտահրավեր է նաև Հայաստանի ներքաղաքական դաշտին:

Բաժիններ
Ուղիղ
Լրահոս
Որոնում