Իրանը, Քարաջի օբյեկտում տեղի ունեցած դիվերսիայից մոտ մեկ տարի անց, ուրանի հարստացման ցենտրիֆուգների արտադրությունը տեղափոխել է ավելի անվտանգ վայր։ Այդ մասին ասել է Իրանի ատոմային էներգիայի կոմիտեի խոսնակը. «Հաշվի առնելով ցենտրիֆուգների մեքենաների կարևորությունը՝ մենք դրանք ուղարկել ենք ավելի ապահով վայր։ Քարաջի համալիրի դեմ ահաբեկչական գործողությունից հետո մենք ստիպված եղանք խստացնել անվտանգության միջոցները, մեքենաների զգալի մասը հանեցինք, իսկ մնացածը տեղափոխվեցին Նաթանզ և Սպահան», – ասել է Քամալվանդին։
Նա նաև ասել է, որ ՄԱԳԱՏԷ-ին հասանելի չեն լինի Նաթանզի նոր գործարանում տեղադրված տեսախցիկների տվյալները, քանի դեռ Իրանը և այլ երկրներ Վիեննայի բանակցությունների շրջանակում համաձայնության չեն եկել Իրանի միջուկային ծրագրի շուրջ:
Անցյալ հունիսին պայթյուն էր տեղի ունեցել Քարաջ քաղաքի միջուկային հարստացման գործարանում։ Ավելի ուշ Թեհրանը Իսրայելին էր մեղադրել միջադեպի առնչությամբ: