Ֆրանսիայում ապրիլի 10-ին տեղի է ունեցել նախագահի ընտրության առաջին փուլը, որի արդյունքի համաձայն երկրորդ փուլ են դուրս եկել գործող նախագահ Էմանուել Մակրոնը՝ 27,4 տոկոս քվեով, և ազգայնական, ուլտրա-աջ «Ազգային միավորում» կուսակցության թեկնածու Մարի Լե Պենը՝ 24,8 տոկոս քվեով: Երկրորդ փուլի քվեարկությունը լինելու է ապրիլի 24-ին: Ֆրանսիայի նախագահի ընտրությանը մասնակցած մյուս թեկնածուներից միայն ձախական Ժան-Լյուկ Մելանշոնին է հաջողվել հավաքել 10 տոկոսից ավելի ձայն: Թեմայի շուրջ «Առաջին լրատվական»-ը զրուցել է Ֆրանսիա Հայաստան առևտրաարդյունաբերական պալատի նախագահ Տիգրան Առաքելյանի հետ:
Առաքելյանի կանխատեսմամբ՝ ռիսկ կա, որ Էմանուել Մակրոնը երկրորդ փուլի ընտրություններում չի հաղթի: Առաքելյանը կարծում է, որ հայ-ֆրանսիական հարաբերությունները հումանիտար են, պետք է զարգացնել տնտեսական ու քաղաքական հարաբերությունները․ «Թուրքիան և Ադրբեջանը խանգարում են հայ-ֆրանսիական տնտեսական հարաբերությունների հաստատմանը»:
Ի դեպ Առաքելյանը հայտնեց, որ իրենց կողմից զեկույց է պատրաստվել, որը շուտով ներկայացվելու է ՀՀ կառավարությանը․ «Հայկական շուկայում ֆրանսիական կեղծված ապրանքները շատ-շատ են․ ՀՀ կառավարությանը կներկայացնենք զեղծարարաների անունները»։