«ՀԺ»-ն գրում է, որ օգոստոսի 15-ին «Հարսնաքար» ռեստորանային համալիրում հնչած կրակոցների փաստով քրգործ դեռևս չի հարուցվել.
«Այս մասին երեկ մեզ հայտնեցին ՀՀ ոստիկանռթյունից, ասացին նաև, որ դեռևս նյութեր են նախապատրաստվում»։
Թերթը հավելում է, որ կրակոցների հետևանքով ոսկրային կոտրվածքներ էին ստացել երկու հոգի, որոնք ավելի ուշ վիրահատվել են և դեռևս գտնվում են հիվանդանոցում.
«Այն մասին, որ տեղի ունեցածի վերաբերյալ քրեական գործ չի հարուցվի, խոսվում էր դեռևս դեպքի օրվանից։ Ըստ որոշ տեղեկությունների՝ վիրավորներից մեկը ռեստորանային համալիրի սեփականատիրոջ՝ ԱԺ պատգամավոր Ռուբեն Հայրապետյանի, մյուսը՝ Սերժ Սարգսյանի եղբոր՝ Սաշիկ Սարգսյանի թիկնապահն է։ Այս տեղեկությունները մինչ օրս ո՛չ հաստատվել են, ո՛չ հերքվել։ Սակայն փաստն ինքնին, որ մինչև օրս հնչած կրակոցների առիթով քրգործ չի հարուցվել, խոսում է շատ բանի մասին։ Ակնհայտ է, որ կրակողների նկատմամբ քրեական հետապնդում հարուցելը վեր է Հայաստանի Հանրապետության օրենքների և իրավապահ մարմինների հնարավորությունից։ Կարող ա՞ Սերժ Սարգսյանը անձամբ է կրակել»։