Samsung Electronics ընկերությունը սկսել է հեռուստացույցների նոր մոդելներ արտադրել, որոնք պարզապես հեռուսատցույցներ չեն, այլ մուլտիմեդիա, նորագույն ինովացիոն տեղեկատվական ֆունկցիաներ պարունակող սարքեր։ Այս տարի ընկերությունը արտադրության է հանել ավելի քան 30 նոր մոդելներ, որոնցից մեծ մասը Smart TV են։
Այսօր լրագրողների հետ հանդիպման ժամանակ ընկերության հայաստանյան ներկայացուչությունը հայ սպառողին ներկայացրեց նոր Smart TV-ները։ Այս հեռուստացույցներով կարելի է օգտվել ինտերնետային բոլոր կայքերից, այդ թվում` հայտնի Youtube, Facebook, Twitter, Skype ծառայություններից։ Հատկանշանակ է նաև այն, որ կարելի է օգտագործել հայալեզու ֆայլերը և օգտվել հայալեզու կայքերից։
Smart TV-ով ինտերնետային կայքերից օգտվելու համար կարելի է օգտագործել ոչ միայն հեռակառավարման վահանակը, այլև համապատասխան անդրոիդ ծրագիրն ունեցող ցանկացած բջջային հեռախոս։
2011թ. Samsung Smart-հեռուստացույցները ապահովում են AllShare ֆունկցիան, որը հնարավորություն է տալիս, օգտագործելով DLNA- միացումը, ստեղծել տնային ցանց բոլոր համատեղելի սարքերի միջև:
Գրեթե բոլոր նոր Smart TV-ները ապահովում են ժամանակակից եռաչափ ֆորմատի ցուցադրում: Նույնիսկ եթե սպառողի մոտ բավական չեն 3D ֆորմատի ֆիլմերն ու տեսահոլովակները, հատուկ փոխարկիչը հենց տեղում տնային լուսանկարները և տեսանյութերը կփոխարկի 2D-ից 3D:
Samsung Electronics ընկերության հայաստանյան ներկայացչության ղեկավար Անդրանիկ Շահբազյանը այսօր լրագրողներին տեղեկացրեց նաև, որ այսուհետև ՀՀ տարածք պաշտոնապես ներմուծված բոլոր Samsung հեռուստացույցները կվաճառվեն «ԱՐՏԱԴՐՎԱԾ Է ՀԱՅԱՍՏԱՆԻ ՀԱՄԱՐ» հոլոգրաֆիկ նշաններով։
Այս քայլով Samsung ընկերությունը նպատակ ունի պաշտպանել հայ սպառողին ոչ բարեխիղճ ներկրողներից, որոնց արտադրանքը նախատեսված չէ Հայաստանյան տարածաշրջանի համար և չի սպասարկվում Samsung-ի կողմից հավատարմագրված սպասարկման կենտրոններում։
