Հնդկաստանի նախագահ Ռամ Նաթհ Կովինդը ժամանել է Թուրքմենստանի մայրաքաղաք Աշխաբադ, որտեղ բանակցություններ կունենա նախագահ Սերդար Բերդիմուհամեդովի հետ: Այս մասին հայտնում է Թուրքմենստանի պետական լրատվական գործակալությունը՝ նշելով, որ սա երկկողմ հարաբերությունների պատմության ընթացքում Հնդկաստանի նախագահի առաջին այցն է այդ երկիր:
Ակնկալվում է, որ բանակցությունների ընթացքում նախագահները քննարկելու են հարցերի լայն շրջանակ, այդ թվում և անդրադառնալու են համագործակցության առաջնահերթություններին: Ծրագրված է ստորագրել փաստաթղթերի փաթեթ, որի նպատակն է տարբեր ոլորտներում ուժեղացնել երկկողմ շփումները:
Հնդկաստանի նախագահի առաջին այցը Թուրքմենստան տեղի է ունենում երկու երկրների միջև դիվանագիտական հարաբերությունների հաստատման 30-ամյակի շրջանակում:
