Միացյալ Նահանգների քաղաքացիները, որոնք գտնվում են Ռուսաստանում և Ուկրաինայում, պետք է անհապաղ լքեն այդ երկրները։ Այս մասին ճեպազրույցում ասել է Պետքարտուղարության մամուլի ծառայության ղեկավար Նեդ Փրայսը։ «Վերջին շաբաթների ընթացքում մենք ստացել ենք տեղեկություններ այն մասին, որ ռուսական անվտանգության ուժերը հայտնաբերել և ձերբակալել են ամերիկյան քաղաքացիներին Ուկրաինայում և Ռուսաստանում: Մեր խորհուրդը հիմնված է այս թարմացված տվյալների վրա», – ասել է Փրայսը: Նա նաեւ նշել է, թե Միացյալ Նահանգները չի ընդունի Հարավային Օսիայի հնարավոր միացումը Ռուսաստանին և վերահաստատում է իր հավատարմությունը Վրաստանի տարածքային ամբողջականությանը: «Ո՛չ տեղական իշխանությունները, ո՛չ էլ Ռուսաստանը իրավասու չեն որոշել Հարավային Օսիայի ապագան, որը գտնվում է Վրաստանի կազմում», – ասել է Պրայսը։
