Թուրքական Zaman թերթի փոխանցմամբ՝ Դիարբեքիրի նահանգի Էրգանիի շրջանում բախվել են ժանդարմերիայի զինծառայողներն ու Թուրքիայում ահաբեկչական հռչակված ու արգելված «Քրդստանի աշխատավորական կուսակցության» (PKK) զինյալները։ Վերջիններս երկարափող զենքերով գնդակոծել են պարեկություն կատարող ժանդարմերիայի զինծառայողներին՝ սպանելով նրանցից մեկին և վիրավորելով 4-ին։
Վիրավոր զինծառայողները փոխադրվել են Էրգանիի պետական հիվանդանոց։ Տարածաշրջանում թուրքական անվտանգության ուժերը լայնամասշտաբ գործողություններ են սկսել PKK-ականներին հայտնաբերելու համար։
