Երկու ծովահեններ, ովքեր մեղավոր են ճանաչվել նավի առևանգման մեջ, ինչը ԱՄՆ 4 քաղաքացիների մահվան պատճառ է դարձել, ցմահ ազատազրկման են դատապարտվել:
Դեպքը տեղի էր ունեցել այս տարվա փետրվարին՝ Օմանի ափերի մոտ, երբ ծովահենները գրավել էին ամերիկացի ամուսիններին պատկանող նավը: Ամերիկյան ռազմածովային ուժերը կարողացել էին գրավել նավը, սակայն չէին հասցրել փրկել ամուսիններին և նրանց 2 հյուրերին: Չորսն էլ սպանվել էին ծովահենների կողմից:
Երբ ամերիկյան զինվորականների և ծովահենների միջև բանակցություններ էին ընթանում, հանցագործների կողմից ամերիկյան նավի ուղղությամբ ռումբ էր նետվել, ինչի արդյունքում սկսվել էր փոխհրաձգություն, որի հետևանքով մի քանի ծովահեն սպանվել էին, սակայն մինչ ամերիկացիները կգրավեին առևանգված նավը, ԱՄՆ 4 քաղաքացիներին ծովահեններն արդեն սպանել էին:
