Սկանդալային Wikileaks-ի հիմնադիր Ջուլիան Ասանժի գործընկեր, գերմանացի Դանիել Դոմշայտ-Բերգը հայտարարել է, որ ոչնչացրել է Wikileaks-ի արխիվի ավելի քան 3500 գաղտնի փաստաթղթեր, որոնք նախատեսվում էր հրապարակել: Ըստ Դոմշայտ-Բերգի՝ նա գնացել է այդ քայլին, որպեսզի պաշտպանի տեղեկատվություն տրամադրած մարդկանց անվտանգությունը: Այս մասին հաղորդում է գերմանական Deutsche Welle-ը` հղում անելով dpa գործակալությանը:
Ըստ գերմանական Spiegel Online-ի` ոչնչացված փաստաթղթերի մեջ է նաև մարդկանց մի ցուցակ, ովքեր ԱՄՆ անվտանգության համար սպառնալիք են ներկայացնում: Այդ ցուցակում տեղ գտած անձանց արգելվում է ինքնաթիռ նստել ԱՄՆ տարածքում:
Բացի այդ, ոչնչացված փաստաթղթերի մեջ են նաև Գերմանիայի նեոնացիստական 20 կազմակերպությունների և Գերմանական ազգային-դեմոկրատական կուսակցության անդամների մոտ 6000 էլ.նամակներ:
Բացի այդ, ոչնչացվել է Bank of America –ին առնչվող 5 գիգաբայթ ծավալի տեղեկատվություն:
Wikileaks-ի ներկայացուցիչները կտրուկ քննադատել են Դոմշայտ-Բերգին
