Ոսկու գները երկուշաբթի բարձրացել են ավելի քան 2%-ով, աճուրդի ընթացքում մետաղի գինը գերազանցել է 1900 դոլար ռեկորդային բարձր նիշը՝ համաշխարհային տնտեսության համար մտավախությունների, ինչպես նաև իրենց ներդրումների անվտանգությունը ապահովելու ներդրողների ցանկության ֆոնի վրա. վկայում են աճուրդի արդյունքները:
Ոսկու դեկտեմբերյան ֆյուչերսները Նյու Յորքի Comex բորսայի ընթացքում թանկացել են 2.1%-ով՝ մինչև 1891.90 դոլար՝ տրոյական ունցիայի համար: Աճուրդի ընթացքում մետաղը թանկացել է մինչև 1904 դոլար:
Մետաղի թանկացումն արդեն վեցերորդ աճուրդային օրն է, ինչ ֆիքսված է, դրա հետ մեկտեղ վեց օրերից հինգի ժամանակ ոսկու գինը հասել է ռեկորդային բարձր ցուցանիշների:
«Ոսկու գնի բարձրացմանը խթանում են Եվրոպայում պարտքային ճգնաժամի խորացման հետ կապված մտավախությունները, ԱՄՆ-ում բյուջետային խնդիրների հետ կապված անորոշությունը»,- մեջբերում է MarketWatch գործակալությունը Wells Fargo-ի մի խումբ վերլուծաբանների կարծիքը: