Նախարար Էդվարդ Նալբանդյանն Ավստրիայի փոխվարչապետ, ԱԳ նախարար Միխայել Շպինդելեգերի հրավերով օգոստոսի 18-19-ը Զալցբուրգում մասնակցեց «Աշխարհի տնտեսության և համաշխարհային կառավարման համար նոր հիմքեր» խորագրով ֆորումին, որին մասնակցում էին արտաքին գործերի նախարարներ, տարբեր միջազգային կազմակերպությունների ղեկավարներ, հեղինակավոր տնտեսագետներ և գիտնականներ, միջազգային կորպորացիաների նախագահներ:
Զալցբուրգում Հայաստանի արտգործնախարարը նաև երկկողմ հանդիպումներ ունեցավ Ավստրիայի և Վրաստանի արտաքին քաղաքական գերատեսչությունների ղեկավարների հետ:
Ավստրիայի Եվրոպական և արտաքին գործերի նախարար Միխայել Շպինդելեգերի հետ հանդիպմանն Էդվարդ Նալբանդյանը քննարկեց երկկողմ քաղաքական, տնտեսական և հումանիտար համագործակցության զարգացմանն առնչվող հարցերի լայն շրջանակ: Մտքեր փոխանակվեցին միջազգային և տարածաշրջանային զարգացումների վերաբերյալ:
Էդվարդ Նալբանդյանի և Վրաստանի արտգործնախարար Գրիգոլ Վաշաձեի հանդիպման ընթացքում քննարկվեցին բարձր մակարդակով ձեռք բերված պայմանավորվածությունների կատարման ընթացքը, հայ-վրացական օրակարգի բազմաթիվ հարցեր:
