Ուկրաինական հարցը չի լուծվում։ Ամբողջ արևմուտքը ջանք ու եռանդ չի խնայում Մոսկվային անկյուն կանգնեցնելու համար ու, կարծես, հաջողում է։ Ռուսական օդանավերի համար փակ է ամբողջ Եվրոպայի օդային տարածքը, ԱՄՆ-ն ու Կանադան ևս հետևել են եվրոպացիների օրինակին։ Էրդոհանը Բոսֆորն ու Դարդանելը սահմանափակելու քննարկումների մեջ։ Բառի բուն իմաստով շրջափակման է ենթարկվում Ռուսաստանի ամբողջ տնտեսական սեկտորը։ Ռուբլին պատմական ակնումներ է գրանցում, առանց չափազանցության, ամեն ժամ։
Ռուսաստանում աննախադեպ հերթեր են բանկերում ու բանկոմանտների մոտ։ Մարդիկ փորձում են վերջին լումաները փրկել՝ փոխարինելով ազգային արժույթը դոլարով ու եվրոյով։ Ռուսական փոխանակման կետերում ռուբլու վաճառքի փոխարժեքը հասնում է անգամ 130-140 ռուբլիի՝ 1 դոլարի դիմաց։ Տուժում են ոչ միայն ռուսները, այլև մեր հայրենակիցները, որոնք ապրում ու աշխատում են Ռուսաստանում։
Ռուսական Կենտրոնական բանկը շարունակաբար սահմանափակում է կանխիկացման չափաբաժիններն ու հավելյալ գործարքներ չի իրականացնում։ Անգամ Ճապոնիան է հայտարարել, որ պատժամիջոցներ է կիրառելու Ռուսական կենտրոնական բանկի նկատմամբ՝ հիշելով, ի դեպ, ռուսաստանի ու Ճապոնիայի միջև վաղուց առկա Կուրիլյան կղզիների խնդիրը, որը, ըստ ճապոնական կողմի, օկուպացվել էր դեռ Խորհրդային միության տարիներին ու միջազգային իրավունքի համաձայն պիտի վերադառնա ճապոնացիներին։ Այո, իրավիճակը ծայրաստիճան ծանր է նախ ՌԴ քաղաքացիների համար։ Պատերազմի արդեն 5-րդ օրը պարզ է դառնում, որ արևմուտքի պատժամիջոցներն առավել քան գործուն են։
Ռուսաստանը կարծես անկյուն մղված վիրավոր գազան լինի, որի վրա հարձակվում են բոլոր ուղղություններով ու նրան մնում է ընդամենը մի հնարավորություն, որ փրկի իրավիճակը․ խոսել ամենավտանգավորի մասին։ Վլադիմիր Պուտինն այսօր իր մոտ հրավիրեց պաշտպանության նախարար Շերգեյ Շոյգույին ու ՌԴ ԶՈւ ԳՇ պետին։ Հրամանը կոնկրետ էր ու քնարկման ենթակա չէր։
