Մեր պատմագիտությունը թերացավ․ «Աղվանական մշակույթի» իրական ժառանգները ոչնչացվում են Ադրբեջանում

Բաքուն չի հրաժարվում հայկական հուշարձանները «աղվանական» դարձնելու ծրագրերից: Հիմա ավելի ցինիկ գործիքակազմ են ընտրել․ պետական մակարդակով են հայտարարում այդ մասին։ Արդյոք գործ ունե՞նք նոր ծրագրի, քաղաքականության, մարտավարության հետ, և իրականում ովքեր են աղվանական մշակույթի ժառանգները․ հարցերի պատասխանը «Առաջին լրատվականը» ստացել է ազգագրագետ Հրանուշ Խառատյանից։ Վերջինս ընդգծում է՝ աղվանական մշակույթի հետ որևէ կապ չունի Ադրբեջանը, կովկասյան բուն Աղվանքի իրական էթնոսի կրողներ շատ կան, դրանք մասամբ բնակվում են Դաղստանի հարավում, մասամբ՝ Ադրբեջանում, դրանք այն փոքրամասնություններն են, որոնք ուծացվել են Բաքվի ձեռքում։ ««Աղվանական մշակույթի» իրական ժառանգները ոչնչացվում են Ադրբեջանում»,-ասում է ազգագրագետը։