Շուշիի հռչակագիրը սպառնալիք է հայ-թուրքական հարաբերությունների հաստատմանը

Թուրքիայի արտգործնախարար Մևլութ Չավուշօղլուն հայտարարել է, որ Երևանը դեռ չի պատասխանել թուրքական կողմի հրավերին՝ մասնակցելու Անթալիայի դիվանագիտական ֆորումին։ Չավուշօղլուն հիշեցրել է, որ մարտի 11-13-ը կայանալիք ֆորումի հրավեր ուղարկվել է ՀՀ ԱԳ նախարար Արարատ Միրզոյանին ու ԱԺ փոխխոսնակ, Թուրքիայի հետ հարաբերությունների կարգավորման հատուկ բանագնաց Ռուբեն Ռուբինյանին։ Նա նշել է, որ վարչապետ Փաշինյանին հրավեր չի ուղարկվել։ Ընդդիմությունից ասում են, թե «Ո՞ւր են գնում Արարատ Միրզոյանն ու Ռուբեն Ռուբինյանը: Սա իրականում Էրդողանի մեծապետական նկրտումներին հագուրդ տվող համաժողով է: 2021-ին եվրոպացիները դա արհամարհեցին, Ռուսաստանը կտրուկ բոյկոտեց»։ Միրզոյանն ու Ռուբինյանը կարո՞ղ են ծուղակում հայտնվել Անթալիայում: Թեմայի շուրջ «Առաջին լրատվական»-ը զրուցել է ԼՂ ԱԳ նախկին նախարար, արտակարգ և լիազոր դեսպան Արման Մելիքյանի հետ: