Ռուսաստանի առաջնության առաջին դիվիզիոնի 22-րդ տուրի «Ուրալ»-«Խիմկի» (5:2) խաղում իր նորամուտը նշեց Էդգար Մանուչարյանը:
Հայաստանի հավաքականի ֆուտբոլիստն ընդմիջումից հետո խաղադաշտ դուրս գալով՝ նախ 1:1 հաշվի ժամանակ առաջ մղեց իր թիմին (49 ր.), ապա դարձավ գոլային փոխանցման հեղինակ, իսկ մրցավարի ավելացրած ժամանակում մրցակցի ֆուտբոլիստին հարվածելու համար հեռացվեց խաղադաշտից:
«Ուրալ»-«Խիմկի» հանդիպմանը մասնակցեցին 4 հայ ֆուտբոլիստներ` Էդգար Մանուչարյանը, Դենիս Թումասյանն ու Նիկոլայ Սաֆրոնիդին՝ «Ուրալ»-ի կազմում, Ռոման Բերեզովսկին` «Խիմկի»-ի:
Գոլի հեղինակ դարձավ նաև ավագի թևկապով հանդես եկող Դենիս Թումասյանը, ով 81-րդ րոպեին հաշիվը դարձրեց 5:1, իսկ Նիկոլայ Սաֆրոնիդին խաղադաշտ մտավ 83-րդ րոպեին:
