Սփյուռքի առաջնային օրակարգը պետք է լինի Հայաստանի պետականությունը

Սոցիալ-դեմոկրատ Հնչակյան կուսակցության կենտրոնական վարչության ատենապետ Համբիկ Սարաֆյանը, անդրադառնալով Մեծի Տանն Կիլիկիո կաթողիկոս Արամ Առաջինի հայտարարություններին, թե Սփյուռքը սկսել է մաշվել և գունաթափվել, անտարբեր լինել ինքն իր նկատմամբ և հուսախաբ՝ Հայաստանի, նկատում է՝ ճշմարտության տարրեր կան, բայց ամբողջական Սփյուռքի մասին չէ։ Նշում է՝ Սփյուռքը մեկ մարմին չէ, այն առանձին բջիջներից է բաղկացած, և եթե ավանդական սփյուռքի դեպքում կա այդ վտանգը, ապա մյուս գաղութներում նման վտանգը շատ քիչ է։ Սարաֆյանը ուռճացված է համարում այն պնդումները, թե հավաքական Սփյուռքը ուծացման վտանգի առջև է, ասում է․ «Սփյուռքի թիվ մեկ օրակարգը Հայաստանի պետականությունը պետք է լինի»։