Գեղարքունիքի մարզի Գավառ խոշորացված համայնքում համայնքի ղեկավար Գուրգեն Մարտիրոսյանի համապատասխան կարգադրությամբ արդեն նշանակվել են համայնքի կազմում ընդգրկված բնակավայրերի վարչական ղեկավարները։ Ինչպես տեղեկացրին Գավառի համայնքապետարանի աշխատակազմից,
Նորատուսում վարչական ղեկավար է նշանակվել Անդրանիկ Գրիգորյանը, Գեղարքունիքում՝ Պարգեւ Ոսկանյանը, Լանջաղբյուրում՝ Վազգեն Նավոյանը, Գանձակում՝ Գոռ Հակոբյանը, Ծաղկաշենում՝ Գվիդոն Խաչատրյանը, Կարմիրգյուղում՝ Արայիկ Հոդաբաշյանը, Հայրավանքում՝ Սեւան Բադոյանը, Բերդկունքում՝ Լեւոն Հովհաննիսյանը: Սարուխան, Ծովազարդ, Լճափ վարչական շրջաններում շարունակելու են պաշտոնավարել համայնքների նախկին ղեկավարներ Լյովա Աբրահամյանը, Արամայիս Ենգոյանը եւ Արսեն Հովսեփյանը:
Գավառ համայնքի ղեկավարի առաջին տեղակալ Գրիգոր Դաշտոյանը, տեղակալներ Գրիգոր Բոշյանն ու Արտուշ Ասլանյանն այցելել են Գավառ համայնքի վարչական շրջաններ եւ աշխատակազմերին ու համայնքային ենթակայության կառույցների աշխատակիցներին ներկայացրել վարչական ղեկավարներին:
