Արման Բաբաջանյանը ֆեյսբուքյան իր էջում գրել է. Հավաքական անվտանգության պայմանագրի կազմակերպությանը Հայաստանի երեսնամյա անդամության ամենամեծ քննությունն ենք հանձնում։ Ղազախստանը լինելով ՀԱՊԿ և ԵԱՏՄ անդամ, միևնույն ժամանակ առանցքային կարևորություն ունի ոչ միայն կենտրոնասիական տարածաշրջանի, այլև համաշխարհային անվտանգային միջավայրի համար, ուստի տարվա սկզբից այդ երկրում մեկնարկած խաղաղ ցույցերը բիրտ ուժով ճնշելու Նուր-Սուլթանի բռնապետական ռեժիմի ուժային գործողությունները լրջագույն հետևանք են առաջացնելու գործող իշխանության, և այդ երկրում իրավիճակի կայունացման նպատակով Հավաքական անվտանգության պայմանագրի 4-րդ հոդվածի համաձայն սահմանափակ ժամանակահատվածով Ղազախստանի հանրապետություն՝ ՀԱՊԿ հավաքական խաղաղապահ ուժեր ուղարկելու որոշում կայացրած ՀԱՊԿ նախագահող Հայաստանն ու անդամ երկրները։
Նժարին է Հայաստանի ժողովրդավարության ապագան ու միջազգային հեղինակությունը։ 2018-ին Հայաստանն ընտրել է ժողովրդավարությունը ու թեև այդ հանգամանքը որևէ կերպ չի ազդել մեր արտաքին քաղաքականության բովանդակության վրա, այնուամենայնիվ անցյալ տարեվերջին աշխարհի ժողովրդավարական երկրների հետ Հանուն ժողովրդավարության գագաթնաժողովին մասնակցած Հայաստանը որևէ պարագայում չպետք է ընդունի որոշում, որը հարվածի տակ կդնի մեր ժողովրդի դժվարագույն ընտրությունը հօգուտ ժողովրդավարության։
Հայկական ժողովրդավարությունը բարդագույն քննություն բռնեց 44-օրյա աղետալի պատերազմից հետո։ Այժմ մեր պետականությունը կենսունակ պահող միակ միջոցը՝ ժողովրդավարությունը կանգնած է մեծագույն մարտահրավերի առջև միջազգային գետնի վրա։
Ղազախստանի ապագան պետք է վճռի ղազախ ժողովուրդը։ Դա պետք է լինի պաշտոնական Երևանի դիրքորոշումը։ ՀԱՊԿ շրջանակներում Ղազախստանի ներքին գործերին խառնվելը ոչ միայն չի բխում մեր երկրի շահերից, այլև կարող է լրջագույն հարվածի տակ դնել մեր երկրի միջազգային հեղինակությունը։
