Ուզբեկստանի կառավարության կողմից հավանություն Է ստացել արտասահմանից երկիր դրամական փոխանցումների միասնական համակարգ ստեղծելու վերաբերյալ առաջարկությունը: Այդ մասին, «Ինտերֆաքս»-ին հաղորդել են երկրի նախարարների կաբինետի մամուլի ծառայությունում:
«Միասնական անդրսահմանային դրամական փոխանցումներ» վճարային համակարգը կստեղծվի Ուզբեկստանի Արտաքին տնտեսական գործունեության ազգային բանկի (ՈւԱԲ) բազայի վրա, պարզաբանել Է գործակալության զրուցակիցը: Նրա տվյալներով՝ ՈւԱԲ-ի մոսկովյան «դուստր» «Ասիա-Ինվեստ Բանկը» Ռուսաստանում հանդես կգա որպես միջազգային փոխանցումների հաշվարկային բանկերից մեկը:
Ստեղծվող համակարգի շրջանակներում կառավարությունը պրոֆիլային գերատեսչություններին հանձնարարել Է վարկային նախագիծ մշակել Ուզբեկստանի այն աշխատունակ քաղաքացիների ծախսերը ծածկելու համար, որոնք աշխատում են ՌԴ-ում: Ուզբեկստանի ԿԲ-ի տվյալների համաձայն, այս երկրում ֆիզիկական անձանց անդրսահմանային փոխանցումների ծավալը 2020 թվականին կազմել Է 6,03 միլիարդ դոլար՝ 2019 թվականի համեմատությամբ ավելանալով 17,4 միլիոն դոլարով:
Դրա հետ մեկտեղ Ռուսաստանից փոխանցումները նվազել են՝ 5,07 միլիարդ դոլարից հասնելով 4,81 միլիարդ դոլարի: Կարգավորիչն սպասում Է, որ 2021 թվականին արտասահմանյան փոխանցումների ընդհանուր ծավալը կաճի ավելի քան մեկ երրորդով՝ գրեթե մինչեւ 8 միլիարդ դոլար: Ըստ պաշտոնական տվյալների, 2021 թվականի սկզբին Ուզբեկստանի սահմաններից դուրս փող աշխատելու համար գտնվում Էր ավելի քան 1,6 միլիոն մարդ (տնտեսապես ակտիվ բնակչության մոտավորապես 20 տոկոսը), այդ թվում՝ մոտավորապես 1,2 միլիոնը՝ Ռուսաստանի Դաշնությունում: