Մարությանը չպետք է լիներ այդ աթոռին, որ հիմա էլ իշխանությունը ռեպրեսիվ գործընթաց սկսեր

«Հայկ Մարությանը չպետք է լիներ այդ աթոռին, որ հիմա էլ իշխանությունը ռեպրոսիվ գործընթաց սկսեր»,-այսպես են արձագանքում Երևանի քաղաքապետի շուրջ գործընթացներին հասարակական-քաղաքական գործիչ Նարինե Դիլբարյանն ու քաղաքագետ Էդվարդ Անտինյանը։ Հիշեցնենք՝ Երևանի ավագանու «Իմ քայլը» խմբակցությունը քաղաքապետ Հայկ Մարությանին անվստահություն հայտնելու գործընթաց է սկսել: «Իմ քայլը» խմբակցության ավագանու անդամներից սակայն ոչ բոլորն են կողմ այս գործընթացին։ Մարությանին օրեր առաջ Նիկոլ Փաշինյանի ընտանիքին պատկանող լրատվամիջոցը՝ Հայկական ժամանակը, մեղադրում էր «քաղաքական դավաճանության»՝ քոչարյանական ընդդիմության հետ «խաղեր տալու» և իշխանության պատասխանատվության բեռը չկիսելու համար: