Նոյեմբերի 19-ին Թումանյան փողոցում մեքենայի կայանման համար քաղաքացիների ու ոստիկանների միջև հրմշտոց է սկսվել, ինչն ավարտվել է ուժի գերծադրմամբ:
Նախ Պարեկային ծառայության մի խումբ ներկայացուցիչներ մոտեցել ու զգուշացրել են մեքենան դուրա բերելու համար, ինչին երիտասարդները դրական պատասխան են տվել: Պարեկների հեռանալուց հետո, մինչև մեքենան դուրս կբերեին, մոտեցել է ոստիկանների մյուս խումբն ու անհարգալից վերաբերմունք ցույց տվել քաղաքացիների նկատմամբ: Մինչ քաղաքացիները կհասցնեին տեղեկացնել նրանց, որ արդեն, իսկ ոստիկաններ իրենց զգուշացրել են դուրս հանել մեքենան, նոր ժամանած ոստիկանները սկսել են սպառնալ, որ ոչ միայն մեքենան կտանեն տուգանային հրապարակ, այլ նաև քաղաքացիներին բերման կենթարկեն: Այնուհետև հրմշտոց է սկսվել ոստիկանների ու քաղաքացիների միջև, ինչի հետևանքով ոստիկանները վնասել են քաղաքցու աչքը: Դեպքի հետագա զարգացումները հասել են դատարան: Արդեն իսկ երկու նիստ է եղել, երրորդը դեռ շարունակվում է: Քաղաքացուն մեղադրում են ոստիկանի հրամաններին չենթարկվելու և իբրև թե ոստիկանին ծեծելու համար:
