Պաղեստինի ազգային ղեկավարությունը քննարկում է Պաղեստինի անկախության հռչակումը հետաձգելու հնարավորությունները: Ինչպես հաղորդում է ynetnews.com-ը, պաղեստինցիներն այժմ բանակցում են Եվրամիության և Արաբական երկրների լիգայի ներկայացուցիչների հետ:
Պաղեստինցիների կասկածների պատճառն այն է, որ նրանք կարծում են, թե Եվրամիության երկրները չեն աջակցի Պաղեստինի միակողմանի անկախությանը, ինչի մասին պաղեստինցիները մտադրվել էին հայտարարել սեպտեմբերին` ՄԱԿ-ի Գլխավոր ասամբլեայի հերթական նստաշրջանի բացման օրը:
Միաժամանակ՝ Պաղեստինի ազգային ղեկավարությունը ցանկանում է ընդլայնել Պաղեստինի «Ազատագրության կազմակերպության» լիազորությունները ՄԱԿ-ում: Այն այս պահին ունի ընդամենը դիտորդի կարգավիճակ:
