Մի քանի ամիս շարունակվող հակամարտության արդյունքում իսլամիստները Եմենի հարավում արդեն 3-րդ քաղաքն են գրավել. այս մասին հայտնում է reuters գործակալությունը` հղում անելով տեղացիների խոսքերին:
Գրոհայինները, որոնց մեջ են նաև Ալ Կաիդայի անդամներ, այս անգամ իրենց հսկողությունն են սահմանել ծովափնյա Շաքրա քաղաքի վրա:
Փետրվարից սկսած՝ հակակառավարական ցույցերն այս երկրում շարունակվում են: Բախումների հետևանքով մի քանի հարյուր մարդ արդեն զոհվել է: Ցուցարարները պահանջում են նախագահ Ալի Աբդուլլահ Սալեհի հրաժարականը, ով երկիրը ղեկավարում է 33 տարի:
Նման իրավիճակից օգտվում են գրոհայինները, հատկապես Ալ Կաիդայի՝ Արաբական թերակղզում գործող թևը: Այսպես, մարտին ահաբեկիչները գրավեցին Ջաար քաղաքը` դուրս մղելով կառավարական զորքերին, իսկ մայիսին իրենց հսկողությունը հաստատեցին Զինջիբար քաղաքի վրա:
