«Հայկական ժամանակ»-ի տեղեկություններով, Կոտայքի մարզի Զովունի համայնքի ազգությամբ եզդի բնակիչներն իրենց հետ զրույցում երեկ հայտարարել են, թե «անպաշտպան են»։
«Այդ օրը բախում է տեղի ունեցել մի խումբ հայերի ու եզդիների միջև, ու միջադեպի մասնակից եզդիները վստահեցրել են, որ հայերի մոտ զենք է եղել։ Բախման հետևանքով մի քանի հոգի տեղափոխվել է հիվանդանոց, իսկ դեպքի վայրում արյան հետքեր են եղել։ Զենքերը թեև չեն կրակել, բայց ծեծկռտուքի ընթացքում մարդիկ ստացել են մարմնական տարբեր վնասվածքներ»:
Ըստ թերթի՝ հայ-եզդիական բախման ժամանակ անհայտ մեկը ատրճանակ է պահել նաև եզդիների ազգային միության նախագահ Ազիզ Թամոյանի ճակատին։
«Եզդիներից ոմանք կարծում են, որ այս բախումը, որի արմատները բավական խորն են, տեղի է ունեցել ազգային հողի վրա, մյուսներն էլ կարծում են, որ իրենց հետ բախված հայերի թիկունքում հայ օլիգարխ է կանգնած, որը ցանկանում է ընդլայնել իր «կալվածքները»,- գրում է թերթը։
