Օգոստոսի 18-ին ՀՀ կառավարության նիստում «Նատալի ֆարմ» ՍՊԸ-ին կտրվի թմրամիջոցների, հոգեմետ նյութերի և ՀՀ կառավարության սահմանած` դրանց պրեկուրսորների ներմուծման, արտահանման ու մեծածախ առևտրի գործունեության իրականացման լիցենզիա` երեք տարի գործողության ժամկետով:
Իրավական ակտի անհրաժեշտությունը պայմանավորված է «Նատալի ֆարմ» սահմանափակ պատասխանատվությամբ ընկերության կողմից ներկայացված հայտին օրենսդրությամբ սահմանված կարգով ընթացք տալու անհրաժեշտությամբ:
2011 թվականի հունիսի 29-ին «Նատալի ֆարմ» ՍՊԸ-ի տնօրենը դիմել է ՀՀ առողջապահության նախարարություն՝ թմրամիջոցների, հոգեմետ նյութերի և ՀՀ կառավարության սահմանած` դրանց պրեկուրսորների ներմուծման, արտահանման և մեծածախ առևտրի գործունեության իրականացման լիցենզիա տալու մասին խնդրով:
Հիշեցնենք, որ «Նատալի ֆարմ» ՍՊԸ-ի սեփականատերը ԱԺ գործարար պատգամավոր Սամվել Ալեքսանյանն է:
