Բելառուսի Էներգետիկայի նախարար Վիկտոր Կարանկեւիչը եւ ՌԴ Էներգետիկայի նախարար Նիկոլայ Շուլգինովը արձանագրություն են ստորագրել Մինսկին բնական գազ մատակարարելիս գների ձեւավորման կարգի եւ դրա փոխադրման վերաբերյալ: Այդ մասին, նոյեմբերի 9-ին հաղորդել Է Բելառուսի Էներգետիկայի նախարարության մամուլի ծառայությունը:
«2021 թվականի նոյեմբերի իննին Բելառուսի Հանրապետության Էներգետիկայի նախարար Վիկտոր Կարանկեւիչը եւ Ռուսաստանի Դաշնության Էներգետիկայի նախարար Նիկոլայ Շուլգինովը արձանագրություն են ստորագրել Բելառուսի Հանրապետության կառավարության եւ Ռուսաստանի Դաշնության կառավարության միջեւ Բելառուսի Հանրապետությանը բնական գազ մատակարարելիս գների (տարիֆների) ձեւավորման կարգի եւ դրա փոխադրման վերաբերյալ համաձայնագրում փոփոխություններ մտցնելու մասին»,-ասվում Է մամուլի ծառայության հաղորդագրության մեջ:
Փաստաթուղթը կնքվել Է գերատեսչությունների ղեկավարների երկկողմ հանդիպման արդյունքներով, որն անցկացվել Է Մոսկվայում:
«Արձանագրությունը որոշում Է 2022 թվականին Բելառուսին բնական գազ մատակարարելիս գների ձեւավորման կարգը: Գազի գնի կոնկրետ մակարդակը կարձանագրվի «Գազպրոմ»-ի հետ համատեղ փաստաթղթում՝ ելնելով 2021 թվականի պայմաններից»,-ընդգծել են մամուլի ծառայությունում, հաղորդել Է ՌԻԱ Նովոստին:
