Մոլդովայում գազի մատակարարման դժվարությունները ծագել են Քիշնևի մեղքով, որը չի վճարել արդեն ստացած վառելիքի դիմաց, ՌԻԱ Նովոստիի հաղորդմամբ՝ այս մասին ասել է Գազպրոմի պաշտոնական ներկայացուցիչ Սերգեյ Կուպրիյանովը։
«Պարտքըկազմում է 433 մլն դոլար, և հաշվի առնելով վճարումների ուշացումը, պարտքի ընդհանուր գումարը կազմել է 709 մլն դոլար: Միևնույն ժամանակ, չգիտես ինչու, Մոլդովայի ներկայացուցիչները չեն ցանկանում ընդունել կուտակած պարտքի չափը »,- ասել է նա:
Միաժամանակ Կուպրիյանովը ասել է, որ ընկերությունը պատրաստ է երկարաձգել պայմանագիրը, եթե Քիշնևը մարի պարտքը։
«Չնայած կուտակած պարտքերին, մոլդովական կողմը խնդրում է երկարաձգել գազի մատակարարման պայմանագիրը այս տարվա հոկտեմբեր-նոյեմբերի համար: «Գազպրոմն» այստեղ նույնպես պատրաստ է ընդառաջել և պայմանագիր կնքել հոկտեմբերի համար և պատրաստ է երկարաձգել պայմանագիրը նոյեմբերին, եթե մոլդովական կողմն ամբողջությամբ վճարի այս տարվա սեպտեմբերի և հոկտեմբերի մատակարարումների դիմաց»,- հավելել է Կուպրիյանովը։
Նրա խոսքով, եթե դա տեղի չունենա, ընկերությունը դեկտեմբերի 1 -ից մատակարարման նոր պայմանագիր չի ստորագրի եւ կդադարեցնի վառելիքի տրամադրումը Մոլդովային:
Նախօրեին Մոլդովայի խորհրդարանը գազային իրավիճակի պատճառով երկրում արտակարգ դրություն է հայտարարել։ Դեռևս հոկտեմբերի սկզբին Մոլդովագազ ընկերությունը հայտարարել է, որ Հանրապետությունում վառելիքի սպառումը գերազանցում է Ռուսաստանից ստացված մատակարարումների ծավալը, և կոչ է արել խնայել վառելիքը: