Հարավային Կորեայի «Նարո» կոսմոդրոմից արձակվել է «Նուրի» (KSLV-II) կրող հրթիռը։ Հրթիռը բարեհաջող կերպով ավարտել է թռիչքը։
RG պարբերականի փոխանցմամբ՝ սա առաջին կրող հրթիռն է, որն արտադրվել է Հարավային Կորեայի կողմից ինքնուրույն, միայն սեփական տեխնոլոգիաներով: Հրթիռն ուղեծիր է տարել արբանյակի նմանակող մեկուկես տոննա բեռ:
«РИА Новости»-ն հաղորդում է, որ մեկնարկից 6 րոպե անց «Նուրին» հասել է 500 կմ բարձրության, իսկ դրանից ևս 2 րոպե անց բարձրացել է 600 կմ։ Կրող հրթիռից հաջողությամբ անջատվել է արբանյակի մակետը
Սեփական հրթիռի ստեղծման համար Հարավային Կորեան ներդրել է 1,7 միլիարդ դոլար։ Նախագծին մասնակցել է շուրջ 300 հարավկորեական ընկերություն:
