Saturday, 16 10 2021
Սաակաշվիլին շատ թույլ է, բայց չի պատրաստվում դադարեցնել հացադուլը․ Լիզա Յասկո
Դիտարկվել է ՄԱԿ-ի Քաղաքացիական և քաղաքական իրավունքների միջազգային դաշնագրի իրականացման մասին ՀՀ 3-րդ ազգային զեկույցը
00:45
Ղանդահարի մզկիթում պայթյունի հետևանքով 41 մարդ է զոհվել
Ոստիկանությունը հայտարարում է նույնականացման քարտերի և անձնագրերի նոր դիզայնի մրցույթ
00:30
Բրիտանիայում պատգամավորի են սպանել․ Ջոնսոնը խորապես ցնցված է
Ինչ կտա Հայաստանին Standard&Poors-ի կողմից վարկանիշ ստանալը. մեկնաբանում է Ներսես Երիցյանը
Սաակաշվիլիին ազատ արձակելու պահանջով ցույցեր են նախապատրաստվում բոլոր խոշոր քաղաքներում
Հարավ գյուղին հարակից դիրքերի գնդակոծման մասին լուրերը չեն համապատասխանում իրականությանը. Արցախի ՊԲ
00:00
Թուրքիան Սիրիայում նոր ռազմական օպերացիայի է պատրաստվում․ Reuters
«Տվյալագիտության» և «Տեղեկատվական տեխնոլոգիաների վաճառքներ» դասընթացներ. նոր հնարավորություն երիտասարդներին
Նշանակվել է Արարատ համայնքի ղեկավարի պաշտոնակատար
23:30
ԱՄՆ-ում միլիոնատեր Դարստը ցմահ դատապարտվել է 21 տարի առաջ կատարված սպանության համար
ԱԺԲ-ն անհնազանդության ակցիաներ կիրականացնի Երևանում` փակելով փողոցներ և շրջափակելով շենքեր
Արժեզրկման նոր ռեկորդ թուրքական լիրայի պատմության մեջ
Թուրքիայի տեքստիլ գործարաններից մեկում հրդեհ է բռնկվել
Էլազըղի օդանավակայանը 45 օրով փակվել է
22:30
Բաքուն կստանա համապատասխան արձագանքը. Իրանը պատասխանել է Ալիևի հայտարարություններին
«Բելաջիո» ռեստորանի դիմաց բախվել են Toyota Corolla-ն ու ГАЗ 3110-ը, կա վիրավոր
Մոբիլիզիցայի գլխավոր նպատակը կրիտիկական քանակի հասնելն է. Ժիրայր Սեֆիլյան
22:10
Աշխարհում Covid-19-ի հաստատված դեպքերի թիվն անցել է 240 միլիոնը, մահացել է ավելի քան 4 մլն 900 հազար մարդ
Ծանր մարտերի օջախներ հարավում և հյուսիսում. գրոհները ոչ մի պահ չեն դադարում. 44-օրյա պատերազմ՝ օր 19
21:50
Բրիտանացի պատգամավորը սպանվել է ընտրողների հետ հանդիպման ժամանակ
Բաքվի սադրանքի ռազմական ու քաղաքական ուղղությունները․ Լուրերի հիմնական թողարկում
21:40
Մեծ Բրիտանիայում լաբորատորիայի աշխատանքը կասեցվել է՝ ՊՇՌ թեստի սխալ բացասական արդյունք տալուց հետո
Մեր ակնկալիքն է, որ Հաագայի դատարանը բավարարի բոլոր հրատապ միջոցները, առաջին հերթին գերիների մասով
Սևան-Դդմաշեն ավտոճանապարհին բախվել են «Opel» և «Mercedes-Benz» մակնիշների ավտոմեքենաները
Իշխանության և ընդդիմության կոնսենսուսով ՀՀ-ը որոշել է հավատարիմ մնալ ռուս-թուրքական կարգավորմանը
Գնել Սանոսյանն ընդունել է Ասիական զարգացման բանկի երևանյան գրասենյակի պատվիրակությանը
Մոսկվան ամբողջ թափով փորձ է անում լցվել Հայաստան․ ինստիտուցիոնալ գործակալների մեխանիզմ է ներդնում
Ադրբեջանի ԶՈՒ կողմից ՊԲ 6 զինծառայողների սպանության փորձի առթիվ քրեական գործ է հարուցվել

ԵՊԲՀ-ում մեկնարկեց Հայ-ֆրանսիական առաջին գիտաբժշկական համաժողովը

Երևանի Մխիթար Հերացու անվան պետական բժշկական համալսարանում տեղի ունեցավ Արցախյան երկրորդ պատերազմի ընթացքում վիրավորում ստացած անձանց խնամքին նվիրված Հայ-ֆրանսիական առաջին գիտաբժշկական համաժողովի բացման արարողությունը: ԵՊԲՀ ռեկտոր Արմեն Մուրադյանը ողջունեց Ֆրանսիայից ժամանած գործընկերներին՝ համոզմունք հայտնելով, որ մեկնարկած գիտաժողովը իր բազմազանությամբ կհարստացնի հայ բժիշկների արդեն իսկ դառը, բայց շատ կարևոր փորձը՝ ինչպե՞ս ապաքինել, ինչպե՞ս ոտքի հանել հայրենիքի պաշտպաններին, մեր բնակիչներին, որոնք տուժեցին 2020 թվականի 44-օրյա պատերազմի հետևանքով:

«Ցավոք, մենք այսօր քննարկում ենք ոչ թե բժշկագիտության նորարարական փոփոխությունները, այլ՝ ինչպե՞ս օգնենք ոտքի կանգնել մեր ժողովրդի այն մասին՝ մեր զինվորներին, խաղաղ բնակիչներին, որոնք տուժել են Արցախյան պատերազմի ընթացքում, մեր գործընկերների հետ ամփոփենք պատերազմի փորձը և փորձի փոխանակման արդյունքում իր տրամաբանական ավարտին հասցնենք հայ-ֆրանսիական առաջին գիտաժողովը», – ասաց Արմեն Մուրադյանը:

Բժշկական համալսարանի ռեկտորը նկատեց, որ թե՛ Հայաստանում և թե՛ Ֆրանսիայում կա «Զինվորի տուն» հասկացություն: Արմեն Մուրադյանի խոսքով՝ հայ և ֆրանսիացի ժողովուրդները ձևավորել են «Զինվորի տուն» հաստատությունները հասունացման ամենաբարձր դրսևորմամբ:

Հայաստանում «Զինվորի տունը» Բժշկական համալսարանում գտնվող Հայրենիքի պաշտպանի վերականգնողական կենտրոնն է, որտեղ ապաքինվում են Արցախյան երկրորդ պատերազմից տուժած զինվորները, իսկ Ֆրանսիայում՝ հանրահայտ Հաշմանդամների տունը, որը կառուցվել է դեռևս 17-րդ դարում Լյուդովիկոս 14-րդի կողմից՝ ծեր և հաշմանդամ դարձած զինվորականների համար որպես կացարան և հիվանդանոց ծառայելու համար: Հետագայում այստեղ են ամփոփվել բազմաթիվ հռչակավոր դեմքերի, այդ թվում՝ Նապոլեոն Բոնապարտի աճյունները:

«Զինվորի տունը», որը ստեղծվեց Երևանի բժշկական համալսարանի հենքին, Հայկուհի Մինասյանի գլխավորությամբ, կրկնօրինակեց Փարիզի «Ինվալիդների տունը», որտեղից պատվով հուղարկավորեցիք մեր փառահեղ ֆրանսահայ շանսոնյե Շառլ Ազնավուրին», – նշեց ԵՊԲՀ ռեկտորը՝ հավելելով, որ Հայրենիքի պաշտպանի վերականգնողական կենտրոնում բուժում է ստացել պատերազմի մասնակից մեր տղաներից մոտ 5000 զինվոր:

Գիտաժողովի մասնակիցներին ուղերձ էր հղել Հանրապետության նախագահ Արմեն Սարգսյանը՝ նախ և առաջ դատապարտելով Ադրբեջանի կողմից 2020 թ. աշնանը սանձազերծված ռազմական ագրեսիայի հետևանք հանդիսացող պատերազմի փաստը, որը դարձավ հազարավոր հայ երիտասարդների մահվան պատճառ, և բացի այդ՝ հազարավոր մարդիկ կորցրեցին իրենց առողջությունը, շատերն էլ գերեվարվեցին կամ զրկվեցին բնականոն կյանքով ապրելու հնարավորությունից և իրավունքից:

Խորապես ցավակցելով պատերազմին զոհ գնացած հայրենակիցների ընտանիքներին և հարազատներին՝ նախագահ Արմեն Սարգսյանը շեշտել է, որ վիրավոր զինվորների և քաղաքացիական անձանց ապաքինումը անհնար կլիներ պատկերացնել և իրականացնել, եթե չլիներ բժիշկների օգնությունն ու աջակցությունը:

«Այս դահլիճում ներկա են առողջապահության ոլորտի տարբեր ներկայացուցիչներ և կազմակերպիչներ, որոնք լավագույնս կարող են վկայել պատերազմի արհավիրքների և արյունոտ դեմքի մասին: «Բարեկամը ճանաչվում է վտանգի, դժբախտության ժամանակ»՝ ասում է ժողովրդական խոսքը: Պատերազմի դաժան օրերին, ի թիվս այլոց, մեզ օգնության ձեռք մեկնեցին մեր ֆրանսիացի բարեկամները: Ուրախ եմ փաստել, որ հայ-ֆրանսիական երկարամյա և ամուր հիմքեր ունեցող բարեկամությունն ամրապնդվում է նաև առողջապահական համագործակցության շնորհիվ, որի մի կարևոր մասնիկն էլ այսօրվա համաժողովն է», – իր ուղերձում նշել է նախագահը՝ շնորհակալություն հայտնելով իրենց մարդասիրական առաքելությունն իրականացրած և այսօր էլ իրականացնող ֆրանսիացի բժիշկներին, որոնց ներկայացուցիչները ներկա էին գիտաժողովին:

Ողջույնի խոսքով հանդես եկավ նաև Հայաստանում Ֆրանսիայի արտակարգ և լիազոր դեսպան Անն Լույոն՝ հիշեցնելով, որ Ֆրանսիան պատերազմի ընթացքում ամենաբարձր մակարդակով աջակցել է Հայաստանին՝ ավելի քան 15 բժշկական առաքելություններ ուղարկելով Հայաստան:

«Դա բացառիկ մոբիլիզացում էր Ֆրանսիայի կողմից: Ֆրանսիացի մասնագետներ, տարբեր ասոցիացիաներ շատ մեծ ներգրավվածություն են ունեցել: Մենք կարողացանք այս դինամիկ մասնակցության եզրակացությունը անել, և նախանշվեց հայ-ֆրանսիական երկարաժամկետ համագործակցությունը՝ մանավանդ բժշկական ոլորտում: Եվ հաշվի առնելով անցյալ տարի տեղի ունեցած իրադարձությունները՝ մասնագետները, բժիշկները ցանկանում են, որ այս շփումը դառնա առավել ամուր, առավել հաճախակի», – նշեց Ֆրանսիայի դեսպանը:

Հայ-ֆրանսիական առաջին գիտաբժշկական համաժողովը կտևի հոկտեմբերի 13-15-ը: Համաժողովի ընթացքում ֆրանսիացի և հայ մասնագետները կփոխանակվեն փորձով և կսահմանեն Ֆրանսիայի և Հայաստանի միջև բժշկության ոլորտում տևական համագործակցության հեռանկարները:

Ֆրանս-հայկական գիտաբժշկական համաժողովը կազմակերպվել է Փարիզի համալսարանական հիվանդանոցների կողմից՝ Լիոնի համալսարանական հիվանդանոցների, Լիոնի հոսպիտալի Վինատիե կենտրոնի մասնակցությամբ և ՀՀ ԿԳՄՍՆ և ԵՊԲՀ աջակցությամբ և գտնվում է Հայաստանում Ֆրանսիայի դեսպանության բարձր հովանավորության ներքո:

Բաժիններ
Ուղիղ
Լրահոս
Որոնում