ՆԱՏՕ-ի երկրները պետք է որոշեն, թե ձգտող երկրները՝ Վրաստանը և Ուկրաինան, երբ կհամապատասխանեն ՆԱՏՕ-ի չափանիշներին և պատրաստ կլինեն անդամակցել ՆԱՏՕ-ին, ուրիշ ոչ ոք չի կարող դա անել,- 1tv.ge-ի փոխանցմամբ՝ այս մասին հայտարարել է ՆԱՏՕ-ի գլխավոր քարտուղարը Հյուսիսատլանտյան դաշինքի խորհրդարանական վեհաժողովում ունեցած ելույթի ժամանակ:
Ըստ Յենս Ստոլտենբերգի՝ Ռուսաստանը ընդլայնում է իր ռազմական ներկայությունը Բարենցի ծովից մինչև Միջերկրական ծով:
Ստոլտենբերգը պատասխանել է Խորհրդարանական վեհաժողովի անդամների հարցերին: Նա ասել է, որ ՆԱՏՕ-ին նոր անդամներ ավելացնելու որոշումը կայացնում են դաշինքի անդամները, և Ռուսաստանը չի կարողանա ազդել այս գործընթացի վրա:
«Սկզբունքային խնդիր է, որ ինքնիշխան երկիրն իրավունք ունի ինքնուրույն որոշելու իր ուղին: Եվ ՆԱՏՕ-ի անդամների որոշելիքն է՝ արդյոք ցանկացած ձգտող երկիր կհամապատասխանի՞ Դաշինքին անդամակցության չափանիշներին: Ռուսաստանը վետոյի իրավունք չունի. և նա երբեք չպետք է վետո դնի դրա վրա:
Ռուսաստանը միշտ փորձում է ասել, որ ՆԱՏՕ-ի ընդլայնումը սադրանք է: Ռուսաստանը դա արեց, երբ Լեհաստանը և Բալթյան երկրները միացան ՆԱՏՕ-ին: Ես ուրախ եմ, որ մենք ուժ ունեինք ընդունելու այս երկրները»,- ասել է Ստոլտենբերգը:
