Թուրքիայում, հնագույն Բլաունդուս քաղաքում հնագետները հայտնաբերել են 400 ժայռափոր գերեզմաններ, որոնց վրա առկա են խաղողի որթերի տեսքով նախշեր: Այս մասին հայտնում է Daily Sabah-ը:
Հնագետները ուսումասիրությունների արդյունքում պարզել են, որ ժայռափոր գերեզմանները տարածված են եղել մ.թ. երկրորդ դարում: Նշում են, որ այս քաղաքում նաև մինչեւ 70 մետր խորության ստորգետնյա թաղումներ են կատարվել:
Հնագիտական արշավախմբի ղեկավարը նշել է, որ ժայռափոր գերեզմանոցներում հայտնաբերվել են տարբեր սենյակներ:
Հնագետները առաջարկում են գերեզմանները պահպանել և դրանք հասանելի դարձնել զբոսաշրջիկների համար: Հնավայրի տարածքում հետիոտնային ճանապարհներ կկառուցվեն, իսկ ամբողջ տարածքը կլուսավորվի:
Daily Sabah-ը նշում է, որ Բլաունդուս քաղաքը հիմնադրել է հռոմեացի զորավար Բլաունդուսը, երբ Ալեքսանդր Մակեդոնացին արշավել է դեպի Անատոլիա:
Մակեդոնացուց հետո քաղաքում իշխել են հռոմեացիներն ու բյուզանդացիները: