ԱՄՆ -ի կենտրոնական հետախուզական վարչության (ԿՀՎ) տասնյակ գործակալներ ձերբակալվել են, մահապատժի կամ այլ պատժաձևերի ենթարկվել օտարերկրյա հետախուզական գործակալությունների կողմից: Այս մասին հայտնում է New York Times- ը՝ հղում անելով իր աղբյուրներին:
ԿՀՎ-ն իր սպաներից պահանջում է շտկել հայտնաբերված բոլոր խնդիրները և բարելավել օտարերկրյա պետություններում գործակալների աշխատանքը:
Կոմպրոմատի ենթարկված ինֆորմատորների ճշգրիտ թիվը չի նշվում: Այնուամենայնիվ, հաղորդվում է, որ Ռուսաստանը, Չինաստանը, Պակիստանը և Իրանը շատ ավելի արդյունավետ են դարձել ԿՀՎ-ի լրտեսներին հայտնաբերելու և չեզոքացնելու, ինչպես նաև նրանց կրկնակի գործակալների վերածելու գործում:
Ըստ ԿՀՎ -ի՝ տեղեկատուների անհաջողության պատճառը ոչ միայն մրցակիցների հմտությունն է ,այլև՝ դավաճանությունն ամերիկյան հակահետախուզության շարքերում: Հայտնի է դարձել, որ վարչության որոշ աշխատակիցներ գործակալների տվյալները փոխանցում են արտասահմանյան հատուկ ծառայություններին և խախտում հաղորդակցության ուղիների գաղտնիությունը:
Հիշեցնենք՝ 2020 թվականի փետրվարին Իրանը մահապատժի ենթարկեց ԿՀՎ գործակալներից մեկին, ով փորձել էր իրանական միջուկային ծրագրի մասին տեղեկատվություն փոխանցել ամերիկյան հետախուզությանը: