2011 թ. հուլիսի 13-ի դրությամբ՝ Fitch միջազգային վարկանշային կազմակերպության կողմից Հայաստանի վարկանիշը գնահատվել է BB, իսկ երկրի վարկանիշների հեռանկարը՝ «կայուն»:
Ընդ որում, Հայաստանի սուվերեն ռիսկի վարկանիշն ավելի բարձր է գնահատվում, քան Վրաստանինը: Այսպես՝ Վրաստանի վարկանիշը BB- է, Ադրբեջանի վարկանիշը BBB-, Ռուսաստանինը՝ BBB+, բարձր է նաև Ղազախստանի վարկանիշը՝ BBB:
Moody’s միջազգային վարկանշային կազմակերպության կողմից Հայաստանին տրված սուվերեն ռիսկի վարկանիշը 2011 թ. փետրվարի 24-ի դրությամբ Ba2 է, սուվերեն վարկանիշը` «կայուն» հեռանկարով, որը համարվում է վճարունակության ռիսկի միջին մակարդակ ունեցող երկրի «ոչ ներդրումային մակարդակի» վարկանիշ:
Հայաստանն՝ իր սուվերեն վարկանիշի մակարդակով և վարկանիշի վերին սահմանաչափով գերազանցում է Վրաստանին, Բելառուսին, Ուկրաինային և Մոլդովային: Վրաստանի սուվերեն վարկանիշը (Ba3) մեկ աստիճանով ցածր է, իսկ Ադրբեջանինը` (Ba1) մեկ աստիճանով բարձր՝ Հայաստանի սուվերեն վարկանիշից, թեև ազգային արժույթով պարտատոմսերի թողարկման և ազգային արժույթով բանկային ավանդների վարկանիշների վերին սահմանաչափերի մակարդակները Հայաստանում և Ադրբեջանում նույնն են:
