Monday, 27 05 2024
16:09
Հյուսիսային Կորեան նախատեսում է առաջիկա օրերին իր երկրորդ հետախուզական արբանյակն արձակել
16:01
Ucom-ի աջակցությամբ երիտասարդները ծանոթանում են բնապահպանական կարևոր խնդիրներին
Սամվել Կարապետյանն իրեն Իվանիշվիլի է պատկերացնում
15:45
Պուտինը և Միրզիյոևը բանակցություններ են սկսել Տաշքենդում
«Բագրատաշեն» մաքսային անցման կետը գործում է բնականոն
Սալոմե Զուրաբիշվիլին ընդդիմության համար կոնկրետ ծրագիր է ներկայացրել
Ադրբեջանի վերաքննիչ դատարանը մերժել է Ռուբեն Վարդանյանի բողոքը
Հեղեղումների հետևանքով 50-ից ավելի ավտոմեքենա ջրածածկ է եղել
Իրանի դեսպանությունը Հայաստանում տեղի ունեցած ջրհեղեղի կապակցությամբ զորակցությունն է հայտնել ՀՀ կառավարությանն ու ժողովրդին
Ի՞նչ գիտենք Ռաֆահին իսրայելական հարվածի մասին
Ամրաշինական աշխատանքներ է կատարվել՝ կանխարգելելու Աղստև գետի ավերածությունները
Անհնազանդության ակցիայի մասնակիցը ոստիկանների նկատմամբ արցունքաբեր գազ է կիրառել
Ալավերդի բնակավայրի գերեզմանատները չեն վնասվել
«Մանրամասներ»․ Դավիթ Ստեփանյանի հետ
Զորավարժարանում զինծառայողի մահվան դեպքի առթիվ նախաձեռնվել է քրեական վարույթ
Ոստիկանություն է բերվել ակցիայի 273 մասնակից
Տաշքենդը «հացով քաղաք է». Կենտրոնական Ասիան Ռուսաստանի եւ Մեծ Բրիտանիայի միջեւ «կկիսվի՞»
14:45
Չինաստանը, Ճապոնիան և Հարավային Կորեան բարձր մակարդակի առաջին հանդիպումն են անցկացրել վերջին գրեթե 5 տարվա ընթացքում
14:30
Խաղաղությունը կապիտուլյացիա չէ. Մակրոնն՝ Ուկրաինայի մասին
14:15
Հնագետները գտել են ԱՄՆ ռազմածովային ուժերի՝ Երկրորդ համաշխարհայինի ժամանակների լեգենդար սուզանավը
ՊՆ «Ուրալի» վթարի վերաբերյալ վարույթով մեղադրանք է առաջադրվել ևս 2 պաշտոնատար անձի
Լուրերի օրվա թողարկում 14։00
Ուղիղ. Վազգեն Գալստանյանի կոչով անհնազանդության ակցիաներ
13:45
Ռուսական զորքերը խափանում են Starlink-ի գործողությունները Ուկրաինայում
13:30
Live. «Առաջին լրատվական» տեղեկատվական-վերլուծական կենտրոն
«Մեր ընդհանուր նպատակը Հարավային Կովկասում կայուն խաղաղությունն է». Բորել
Վրաստանի խորհրդարանի հանձնաժողովը հավանություն է տվել «օտարերկրյա գործակալների» մասին օրենքի վրա նախագահի վետոյի հաղթահարմանը
Տեղեկություն ունենք, որ ռուսական ընկերությունների աշխատակիցներին ուղարկել են հանրահավաքի
ԻԻՀ դեսպանությունը շնորհակալություն է հայտնել Հայաստանին՝ Իրանի նախագահի և ուղեկցող անձանց նահատակության կապակցությամբ զորակցություն հայտնելու համար
Հայաստանի տնտեսական ակտիվության ցուցանիշը չորս ամսում աճել է 13.2 տոկոսով

Հայաստանը, Հունաստանն ու Կիպրոսը հրաժարվեցի՞ն այդ մտքից. ինչ եղավ պատերազմից հետո

ՄԱԿ Գլխավոր Ասամբլեային մասնակցության առիթով Նյու Յորքում գտնվող Հայաստանի արտգործնախարար Արարատ Միրզոյանը հանդիպում է ունեցել Հունաստանի իր գործընկերոջ՝ Նիկոս Դենդիասի հետ: Հանդիպման ընթացքում քննարկվել են ինչպես երկկողմ գործակցության, այդպես էլ միջազգային հարցեր, այդ թվում իրավիճակը Կովկասում: Երկու նախարարները կարևոր են համարել երկկողմ գործակցության խորացման ուղղությամբ ջանքերի ներդրումը: Այդ իմաստով հատկանշական է, որ Հունաստանի և Հայաստանի արտգործնախարարների հանդիպմանը չի խոսվել եռակողմ գործակցության մասին, որ 2019 թվականի մարտին ազդարարվեց Հայաստանի նախաձեռնությամբ, երբ Հայաստանի արտգործնախարար Զոհրաբ Մնացականյանը մեկնեց Կիպրոս:

Հայաստանը, Կիպրոսն ու Հունաստանը ազդարարեցին եռակողմ ձևաչափի մասին, որի շրջանակում տեղի ունեցավ մի քանի հանդիպում արտգործնախարարների մակարդակով: Հայտարարվեց նաև, որ 2020 թվականի հունվարին Երևանում տեղի կունենա երեք երկրների ղեկավարների մակարդակով առաջին Վեհաժողովը: Սակայն, 2020 թվականը մեկնարկեց բավականին անսպասելի և բուռն զարգացումներով՝ ամերիկա-իրանյան ճգնաժամ գեներալ Սուլեյմանիի սպանությունից հետո, հետո կորոնավիրուսի համավարակ, համաշխարհային կյանքի փաստացի սառեցում, իսկ սեպտեմբերին էլ թուրք-ադրբեջանական պատերազմ Արցախի ու Հայաստանի դեմ: Այդ իմաստով հասկանալի է, որ 2020 թվականին երեք երկրների Վեհաժողովի հեռանկարը բախվեց օբյեկտիվ խնդիրների: Սակայն այժմ հարց է, թե արդյո՞ք եռյակի ձևաչափը մնում է օրակարգում, թե՞ Հայաստանն էլ, Հունաստանն ու Կիպրոսն էլ հետաքրքրված չեն դրանով: Արդյո՞ք այդ ձևաչափը Երևանի համար փորձ էր ձևավորել Թուրքիայի զսպման միջազգային որոշակի մթնոլորտ, լավ պատկերացնելով, որ Ադրբեջանի ռազմատենչության գլխավոր հովանին լինելու է Թուրքիան: Ըստ այդմ, արդյո՞ք հետպատերազմյան իրողությունների տրամաբանության մեջ այլևս արդիական չէ Հայաստան-Հունաստան-Կիպրոս եռակողմ ձևաչափը: Ընդ որում, այդ իմաստով դեռևս նախաձեռնության և առաջին հանդիպումների շրջանում մի շարք առիթներով կարծիք եմ արտահայտել, որ եռյակ նախաձեռնությունը լինելով քաղաքական առումով նշանակալի, այդուհանդերձ չպետք է պարփակված լինի «հակաթուրքական» օրակարգի տրամաբանության շրջանակում, այսինքն այդ նախաձեռնության «ցեմենտը» պետք է լինի ոչ թե Թուրքիայի դեմ օրակարգը, այլ միասնական այսպես ասած նախաձեռնողական օրակարգ, որը Թուրքիայի համար կարող է ունենալ արդեն անուղղակի զսպիչ նշանակություն և դա կարող է լինել եռակողմ ձևաչափի էֆեկտներից մեկը: Ի վերջո, խոսքը բավականին հետաքրքիր աշխարհաքաղաքական դասավորություն և դիրքավորում ունեցող երկրների եռյակի մասին է, որի ստեղծագործական տրամաբանության ընդհանուր հայտարարի հանգամանքը կարող է լինել միջազգային առումով նշանակալի:

Հայաստանի և Հունաստանի արտգործնախարարների նախօրեին տեղի ունեցած հանդիպման մասին տեղեկության մեջ չկա եռակողմ ձևաչափի հիշատակում: Այն արդեն պատմությու՞ն է, թե՞ կողմերը գերադասում են ընդհանուր հայտարար-հիմքը փնտրել ավելի լուռ, և խոսել արդեն գործնական արդյունքի պարագայում:

Բաժիններ
Ուղիղ
Լրահոս
Որոնում