Քաղաքագետ Ստեփան Գրիգորյանի կարծիքով՝ Բաքվի գործողությունները դեմարշ են և Հայաստանի, և Իրանի, և Ռուսաստանի նկատմամբ։ Նշում է՝ Իրանի նկատմամբ դեմարշի մեսիջն այն է, որ այդ երկիրը ձեռք քաշի Հայաստանի տարածքով բեռնափոխադրումներ իրականացնելուց, որ ցույց տա, թե այդ ուղղությունը անվտանգ չէ։ Գրիգարյանը հիշեցնում է, որ այս գործողությունները զուգորդվում էին Իրանի կողմից բողոքի նոտային, որը վերջինս հղեց Ադրբեջանին։ Այն առնչվում էր այդ երկրի և Թուրքիայի համատեղ զորավարժություններին Կասպից ծովում։ Բացի այդ, Ռուսաստանը ևս բողոքի նոտա էր հղել՝ կապված Լաչինի միջանցքում թուրք-ադրբեջանական զորավաժությունների հետ։ Եվ այս ֆոնին, ըստ քաղաքագետի, Թուրքիայի նախագահը «գաղտնազերծում» է Նիկոլ Փաշինյանի հանդիպման հրավերը՝ Վրաստանի միջնորդությամբ։