Գորիս-Կապան միջպետական ճանապարհի՝ Որոտան բնակավայրի մոտ ադրբեջանական կողմը տեղադրել է ոստիկանական անցակետ, ինչից հետո սկսել է ստուգել իրանական բեռնատարները: Ադրբեջանը միշտ էլ բողոքել է որ իրանական ավտոմեքենաներ են մտնում Լեռնային Ղարաբաղ, իսկ հետևողականորեն իրականացնում է իր քաղաքականությունը՝ փորձելով խաթարել Հայաաստանի հարաբերութունը արտաքին աշխարհի հետ: Հատկանշական է, որ այս զարգացումները տեղի են ունենում Հայաստանի վարչապետի վրաստան կատարած այցից անմիջապես հետո, որտեղ օրեր առաջ քննարկվել էր Սև ծով-Պարսից ծոց (Վրաստան-Հայաստան -Իրան) եռակողմ ռազմանավարական նախագիծը, որն ըստ էության հակասում է ադրբեջանական և թուրքական շահերին, ինչ որ առումով նաև Ռուսաստաի: Ի՞նչ խնդիր է լուծում Ադրբեջանը, այս քայլն ավելի շատ ո՞ր երկրի դեմ է ուղղված՝ Հայաստանի՞, թե՞ նաև Իրանի ու Ռուսաստանի՝ հաշվի առնելով վերջինիս ստանձնած պարտավորությունները նոյեմբերի 9-ի փաստաթղթով: Այս և տարածաշրջանային կարևորության մի շարք հարցեր «Առաջին Լրատվական»-ը քննարկել է արևելագետ Արմեն Պետրոսյանի հետ:
Իրականում տեղի ունեցողը բավականաչափ բազմաքայլ, բազմաշերտ և բազմավեկտոր գործողությունների տրամաբանություն է, որի նպատակը Հայաստանի համար կենսաական նշանակության հյուսիս-հարավ ավտոմայրուղու, անկախ վերջինիս իրացվածության մակարդակից, խնդիր ստեղծելն է, հատկապես միջպետական ճանապարհներին: Այս պահին դա Սյունիքի հատվածում է, բայց հաշվի առնելով մեր թշնամու բնույթը և հնարավորությունները, չի բացառվում, որ նույն խնդիրն առաջանա նաև Արարատի մարզի, Տաուշի մարզի տարածքներում: Սա միանշանակորեն պետք է կանխատեսել: Մեր զրուցակցի խոսքով՝ ադրբեջանցիները հիմա խնդիր են ստեղծում իրանական կողմի համար, վաղը կարող են խնդիր ստեղծել ռուսական մեքենաների համար, ինչ ուզեն կարող են անել, որովհետև չկա զսպող, հստակ մեխանիզմ: «Ինչո՞ւ են կոնկրետացել Իրանի վրա, սա ևս մի քանի նպատակ է հետապնդում: Վերջին մի քանի շաբաթվա ընթացքում ադրբեջանական մեդիայում ընդգծված հակաիրանական քարոզչություն է գնում: Այս գործողությունը հստակ նպատակ է հեպանդում Իրանից ինչ-ինչ զիջումներ կորզելու»:
Առավել մանրամասն՝ տեսանյութում:
