Սեուլի ազգային համալսարանի փորձագետները մշակել են նյութ, որը կարող է փոխել գույնը՝ կախված շրջակա միջավայրից: Այս մասին հայտնում է Nature Communications ամսագիրը:
2018 թվականին գիտնականների միջազգային խումբը, Մոսկվայի պետական համալսարանի գործընկերների հետ համատեղ, հայտարարեց քամելեոնի մաշկի սինթետիկ անալոգի ստեղծման մասին: Նյութը արձագանքում է մեխանիկական սթրեսին` փոխելով հատկությունները և գույնը:
Ցուցադրության համար գիտնականները ստեղծել են ռոբոտ քամելեոն`քողարկված պլաստիկե ծածկով: Արհեստական մաշկը իրենից ներկայացնում է ճկուն ցուցադրական սարք՝ դիսփլեյ, որը բաղկացած է հեղուկ բյուրեղյա շերտերից, որոնք փոխում են գույնը `կախված ջերմաստիճանից: Կան նաև բազմաթիվ շերտեր՝ արծաթե նանոլարով տաքացվող տարրերով, որոնք բարակ են մարդու մազից:
Երբ ռոբոտը շարժվում է, հատուկ սենսորները վերլուծում են մակերեսի պատկերն ու երանգները: Ստացված տեղեկատվությունը փոխանցվում է միկրոպրոցեսորին: Նանոալարային ցանցը տաքացնում է հեղուկ բյուրեղները՝ ցանկալի գույն ստանալու համար:
Ըստ հետազոտողների ՝ վերջերս աճում է հետաքրքրությունը իրավիճակին հարմարվող քողարկման տեխնոլոգիաների նկատմամբ, ուստի՝ զարգացումն օգտակար կլինի ռազմական ոլորտում, ինչպես նաև որսորդության համար հագուստ ստեղծելու համար: Այն կարող է նաև կիրառություններ գտնել ճարտարապետության, նորաձևության և արվեստի ոլորտներում:
