Շարմ էլ Շեյխ – Կահիրե ուղևորվող ավտոբուսի վթարի հետևանքով 12 մարդ մահացել է: Հայտնում է ՏԱՍՍ- ը:
Վթարը տեղի է ունեցել Սուեզ քաղաքի մոտակայքում: Տարբեր աստիճանի մարմնական վնասվածքներով 40 վիրավոր տեղափոխվել է քաղաքի հիվանդանոց, հաղորդվում է, որ զոհերի թվում կան երեխաներ: Մի քանի տուժածների վիճակը գնահատվում է ծայրահեղ ծանր:
Եգիպտոսի իրավապահ մարմինները հայտնել են, որ ավտոբուսը մի քանի եգիպտացի ընտանիքների է տեղափոխել Կարմիր ծովի մերձակայքում գտնվող հանգստավայրից: Ըստ վերջին տեղեկությունների, վարորդը կորցրել է ղեկի կառավարումը, բախվել է ճանապարհի բետոնե արգելապատնեշին և կողաշրջվել է։ Վթարի վայր են ժամանել շտապ օգնության 30 աշխատակիցներ: