Հարավային Կորեայի առողջապահական մարմինները հայտնաբերել են երկրում կորոնավիրուսի նոր «mu» շտամով վարակման երեք դեպք,- հաղորդում է РИА Новости-ն:
Իշխանություններն ասում են, որ բոլոր դեպքերը ներմուծված են:
«Երկրի ներսում հիվանդության դեպքեր չկան»,- ասում է Կորեայի Առողջապահության ազգային ինստիտուտի վարակիչ հիվանդությունների հետազոտական կենտրոնի ղեկավար Չան Հի Չանգը:
Նոր «mu» տարբերակն ունի «իմունային փախուստի» հատկություն: Սա նշանակում է, որ առկա պատվաստանյութերն ավելի քիչ արդյունավետ կլինեն դրա դեմ:
Ավելի վաղ կոլումբիացի գիտնականները խոսել էին նոր «mu» շտամի առանձնահատկությունների մասին: Նրանց կարծիքով՝ դրա մուտացիաներից մեկը կարող է մեծացնել կորոնավիրուսով հիվանդացությունը: