Օգոստոսի 17-ին Մոսկվայում մեկնարկել է Հայաստանի, Ռուսաստանի և Ադրբեջանի փոխվարչապետերի մակարդակով գերատեսչական ձևաչափի աշխատանքը, որն ընդհատվել էր այն բանից հետո, երբ ադրբեջանցիները հատել էին Հայաստանի սահմանը: Եռակողմ այդ ձևաչափը հաստատվել էր հունվարի 11-ին Մոսկվայում Պուտին, Փաշինյան, Ալիև եռակողմ հանդիպման արդյունքում: Այդ ձևաչափի աշխատանքային խնդիրը ռեգիոնալ հաղորդուղիների ապաշրջափակումն է, դրա ուղղությամբ հնարավորությունների մշակումն ու առաջարկների պատրաստումը: Թեմայի շուրջ «Առաջին լրատվական»-ը զրուցել է Քաղաքական գիտության ասոցիացիայի գործադիր տնօրեն Բենիամին Պողոսյանի հետ:
Քաղաքագետի կարծիքով՝ Ադրբեջանը փակում է ՀՀ տարածքից դուրս գալու թեման․ «Միայն հայտարարությունները բավարար չեն, որ Ադրբեջանը փոխի իր դիրքորոշումը:Ժամանակը աշխատում է ի վնաս մեզ:Եթե 2025 թ․ Արցախում մնա 25 հազար հայ, Ռուսաստանին միևնույն է:Այս ստատուս քվոյի պահպանման դեպքում Արցախը աստիճանաբար կհայաթափվի․ Ադրբեջանը համբերատար սպասում է»,-նկատեց Պողոսյանը:
