Ուկրաինայի նախկին վարչապետ Յուլյա Տիմոշենկոյին, հնարավոր է, մեղադրանք առաջադրվի 1996թ. Ուկրաինայի Գերագույն Ռադայի պատգամավոր Եվգենի Շչերբանի սպանությանը մեղսակից լինելու համար:
Ուկրաինայի գլխավոր դատախազի առաջին տեղակալ Ռենատ Կուզմինը հայտարարել է, որ ԱՄՆ դատախազությունը փաստեր ունի Շչերբանի սպանությանը նախկին վարչապետ Յուլյա Տիմոշենկոյի հնարավոր մեղսակցության մասին։
Այս մասին տեղեկանում ենք vz.ru կայքից, որտեղ հրապարակվել է «Յուլյայի վրա դի են կախում» հոդվածը:
1996թ. Եվգենի Շչերբանը և նրա կինը սպանվեցին հենց օդանավակայանում։ Սպանությունը մինչ օրս բացահայտված չէ։
Հիշեցնենք, որ Տիմոշենկոն այժմ գտնվում է բանտում։ Նա մեղադրվում է 2009թ.Ռուսաստանի հետ Ուկրաինայի շահերը վնասող պայմանագրեր կնքելու և պետությանն ավելի քան 1,5 միլիարդ ուկրաինական գրիվնայի չափով վնաս հասցնելու մեջ։
