Ադրբեջանական APA լրատվական գործակալության փոխանցմամբ՝ Ստամբուլում ձերբակալվել են «Ալ Քաիդա» ահաբեկչական կազմակերպության երեք անդամներ, որոնցից երկուսն ադրբեջանցիներ են։
Ստամբուլյան ոստիկանության՝ ահաբեկչության դեմ պայքարի բաժնի իրականացրած գործողության ընթացքում ձերբակալվել են Ադրբեջանի քաղաքացիներ Ֆիզուլի Մ.-ն և Իսլամ Գ.-ն։ Ստամբուլի հանրապետական դատախազը նրանց մեղադրել է ահաբեկչական կազմակերպությանն անդամակցելու մեջ՝ նրանց նկատմամբ որպես խափանման միջոց՝ ընտրելով կալանքը։
Հիշեցնենք, որ հուլիսի կեսերին էլ Թուրքիայում ձերբակալվել էին «Ալ-Քաիդա»-ի 15 անդամներ, որոնց մոտ հայտնաբերվել էր 700 կիլոգրամ պայթուցիկ։ Նրանք մեղադրվում են Անկարայում ԱՄՆ դեսպանատունը պայթեցնելու փորձի մեջ։
Բացի այդ, նրանց ձերբակալությունը տեղի ունեցավ ԱՄՆ պետքարտուղար Հիլարի Քլինթոնի թուրքական այցից 3 օր առաջ, ինչի համար էլ ահաբեկիչները կասկածվում են Քլինթոնի դեմ գործողություններ իրականացնելու (նրան պայթեցնելու) պլաններ ունենալու մեջ։