Ճապոնական Ֆուկուի քաղաքի քաղաքապետարանը տեղեկացրել է բնակիչներին սողանքների հավանականության պատճառով տարհանման մասին: Բանն այն է, որ Ճապոնիայում մի քանի օր է՝ չեն դադարում հորդառատ անձրևները,- հաղորդում է NHK.
Քաղաքային իշխանության կարգադրությունը վերաբերում է 64000 ճապոնացու, որոնք բնակվում են Ֆուկուի և Էթիձեն քաղաքների 16 շրջանում: Ականատեսները պատմում են ջրասույզ եղած մեքենաների ու տների մասին: Բազմաթիվ բնակիչներ չեն կարողացել հեռանալ տներից հորդառատ անձրևի պատճառով: Ճանապարհները ծածկված են ջրով, ջրահեռացման համակարգը չի հասցնում նորմալ աշխատել: Ֆուկուիի մի քանի շրջաններում անջատվել է էլեկտրականությունը: Դադարել է տրանսպորտի աշխատանքը: 55 մարդ սողանքի պատճառով արգելափակվել է տներում:
