Բժիշկ-մաշկաբան Տատյանա Եգորովան պատմել է, որ լողալը ծովում վտանգավոր չէ, սակայն արևայրուքը ոչ բոլորին է ցուցված, հաղորդում է aif.ru-ն:
«Չի կարելի արևայրուք ընդունել օնկոլոգիական հիվանդություն ունեցող մարդկանց՝ հատկապես հիվանդության սրացման փուլում: Եթե օնկոլոգիական հիվանդությունը հաղթահարվել է 5 տարի առաջ և բժիշկներն ու մաշկաբանները թույլատրել են արևայրուք ընդունել, ապա կարող եք, բայց՝ շատ զգուշորեն»,-ասել է բժիշկը:
«Արևային լոգանքները վնասակար են բոլոր նրանց, ովքեր նորագոյացություններ ունեն: Անգամ եթե դրանք բարորակ են: Արևի տակ չի կարելի մնալ նաև վարակիչ հիվանդություն ունեցող մարդկանց: Ուժեղ արևը թուլացնում է իմունիտետը, իսկ նոր սկսվող սուր վարակիչ հիվանդության դեպքում ավելի շուտ կհիվանդանաք»,-նկատել է Եգորովան:
Բացի այդ արևը հակացուցված է աուտոիմուն պաթոլոգիաներով մարդկանց, հատկապես՝ սրացումների ժամանակ: Պատճառը կրկին մեկն է՝ արևի ուժեղ ճառագայթները խորացնում են հիվանդությունը:
