Կրեմլի մամլո ծառայության փոխանցմամբ՝ այսօր ՀԱՊԿ անդամ երկրների (Հայաստան, Բելառուս, Ղազախստան, Ղրղզստան, Ռուսաստան, Տաջիկստան և Ուզբեկստան) ղեկավարները հավաքվելու են Ղազախստանի մայրաքաղաք Աստանայում և քննարկելու են տարածաշրջանային ու միջազգային անվտանգության հարցեր։
Ակնկալվում է, որ ՀԱՊԿ-ի 5-րդ գագաթնաժողովին մասնակցելու են նրա անդամ բոլոր երկրների ղեկավարները, բացառությամբ Ուզբեկստանի նախագահ Իսլամ Քարիմովը։
Պլանավորված է, որ հանդիպման ընթացքում նախագահնները մտքեր են փոխանակելու ժամանակակից միջազգային իրավիճակի այժմեական խնդիրների, այդ թվում նաև Մերձավոր Արևելքում ու Հյուսիսային Աֆրիկայում, ինչպես նաև ՀԱՊԿ պատասխանատվության գոտում տիրող իրավիճակի շուրջ։
Հիշեցնենք, որ ավելի վաղ նշվում էր, որ Աստանայի գագաթնաժողովի շրջանակներում նախատեսված են մի շարք երկկողմ հանդիպումներ, որոնցից մեկն էլ լինելու է Հայաստանի ու Ռուսաստանի նախագահների հանդիպումը։ Նրանք քննարկելու են ղարաբաղյան հակամարտության կարգավորումը։
