Ամերիկյան Օրեգոն նահանգում անտառային հրդեհներն ավելի քան 120 հազար հեկտար տարածք են այրել: Սա Օրեգոնի պատմության մեջ ամենախոշոր հրդեհներից մեկն է, որը սկսվել է հուլիսի 6-ից՝ այրելով Լոս Անջելես քաղաքի չափ տարածք: Հրդեհը ոչնչացրել է առնվազն 160 շենք, հազարավոր մարդիկ տարհանվել են:
Reuters գործակալությունը հաղորդում է, որ Հյուսիսային Կալիֆոռնիայում էլ արդեն երկու շաբաթ է՝ մոլեգնում է «Տամարաք» հրդեհը, որն ավելի քան 9000 հեկտար տարածք է այրել: Մի քանի շրջանների բնակիչներին տարհանման հրահանգ է տրվել:
ԱՄՆ 13 նահանգներում ավելի քան 80 խոշոր հրդեհ է մոլեգնում: Հրդեհաշիջման աշխատանքներում ներգրավված է շուրջ 20 հազար մարդ: