Ակադեմիկոս Ի. Ն.Բլոխինայի անվան Նիժնի Նովգորոդի համաճարակաբանության և մանրէաբանության ինստիտուտի մասնագետները լակտոբացիլի շտամ են հայտնաբերել, որը ակտիվություն է ցուցաբերում COVID-19-ի դեմ: Այդ մասին, ինչպես տեղեկացնում է “Արմենպրես” – ը, հուլիսի 19-ին հաղորդվում է «Ռոսպոտրեբնադզորի» կայքում:
Նշվում է, որ Նիժնի Նովգորոդի մասնագետները «Վեկտոր» վիրուսաբանության և կենսատեխնոլոգիայի պետական գիտական կենտրոնի աշխատակիցների հետ համատեղ ուսումնասիրել են հեղինակային պրոբիոտիկների կազմի մեջ մտնող լակտո և բիֆիդոբակտերիաների վեց շտամների հակավիրուսային ակտիվությունը ՝ H1N1 խոզի գրիպի, H5N6 թռչնագրիպի վիրուսի և SARS-CoV-2-ի դեմ:
Արդյունքում պարզվել է, որ բիֆիդոբակտերիաների մեկ շտամը արտահայտված ակտիվություն է ցուցաբերում գրիպի վիրուսների դեմ, իսկ լակտոբացիլների շտամներից մեկն ակտիվ է նաև նոր կորոնավիրուսի նկատմամբ:
Հետազոտության արդյունքները հրապարակվել են արտասահմանյան գիտական ամսագրում Biomed Research International.